Osmania University: డాక్టర్ బి.ఆర్. అంబేడ్కర్, బాబు జగ్జీవన్రామ్ స్మారక ఉపన్యాస కార్యక్రమం
Osmania University: ఓయూలో అంబేడ్కర్, బాబు జగ్జీవన్రామ్ ఆశయాలపై స్మారక ఉపన్యాస కార్యక్రమం నిర్వహించారు. ఈ సందర్భంగా 'అనువర్తిత ఆర్థికశాస్త్రం' పుస్తకం ఆవిష్కరించారు.
Osmania University: డాక్టర్ బి.ఆర్. అంబేడ్కర్, బాబు జగ్జీవన్రామ్ స్మారక ఉపన్యాస కార్యక్రమం
ఉస్మానియా యూనివర్సిటీ: భారత రాజ్యాంగ నిర్మాత డాక్టర్ బి.ఆర్. అంబేడ్కర్, ప్రముఖ జాతీయ నాయకుడు బాబు జగ్జీవన్రామ్ ఆశయాలు, వారి సేవలను యువతరానికి పరిచయం చేయాలనే లక్ష్యంతో ఉస్మానియా విశ్వవిద్యాలయంలో బుధవారం స్మారక ఉపన్యాస కార్యక్రమం నిర్వహించారు. ఓయూ ఆర్ట్స్ కళాశాలలోని 121వ గదిలో జరిగిన ఈ కార్యక్రమాన్ని విశ్వవిద్యాలయ ఎస్సీ, ఎస్టీ విభాగం ఆధ్వర్యంలో, ఫూలే-అంబేడ్కర్ సమ్మిళిత, సాధికారత అధ్యయన కేంద్రాలు, విభాగాల సహకారంతో నిర్వహించారు.
ఓయూ ఉపకులపతి ఆచార్య కుమార్ మొలుగారం, రిజిస్ట్రార్ ఆచార్య జి. నరేశ్ రెడ్డి, ఉపకులపతి ప్రత్యేకాధికారి ఆచార్య ఎస్. జితేందర్ కుమార్ నాయక్ మార్గదర్శకత్వంలో కార్యక్రమం జరిగింది. “విద్య, సమానత్వం, సామాజిక న్యాయం: డాక్టర్ బి.ఆర్. అంబేడ్కర్, బాబు జగ్జీవన్రామ్ ఆశయాల శాశ్వత ప్రాధాన్యత” అనే అంశంపై ఉపన్యాసాలు నిర్వహించారు.
ఈ కార్యక్రమానికి హైదరాబాద్లోని తెలంగాణ రాష్ట్ర సమాచార హక్కు కమిషనర్ పి.వి. శ్రీనివాస్రావు, నల్సార్ న్యాయ విశ్వవిద్యాలయ ఆచార్యులు హెచ్. వాఘేశన్ ముఖ్య వక్తలుగా హాజరయ్యారు. అంబేడ్కర్, బాబు జగ్జీవన్రామ్ దేశానికి అందించిన సేవలు, భారత ప్రజాస్వామ్యం, రాజ్యాంగ విలువలు, సమానత్వం, సామాజిక న్యాయం, అణగారిన వర్గాల అభ్యున్నతికి వారు చేసిన కృషిని వివరించారు.
అనువర్తిత ఆర్థికశాస్త్ర పుస్తకావిష్కరణ
ఈ కార్యక్రమంలో ఓయూ ఎస్సీ, ఎస్టీ విభాగం డైరెక్టర్, కార్యక్రమ కన్వీనర్ ఆచార్య ఐ. డైసీ రచించిన “అనువర్తిత ఆర్థికశాస్త్రం: సూత్రాలు, వాస్తవ ప్రపంచ అనువర్తనాలు” పుస్తకాన్ని ఆవిష్కరించారు. ఈ సందర్భంగా ఆచార్య ఐ. డైసీ మాట్లాడుతూ అంబేడ్కర్, బాబు జగ్జీవన్రామ్ ఆశయాలు, ఆలోచనలను యువతరానికి చేరవేయాల్సిన అవసరం ఉందన్నారు. విద్య సమాజంలో మార్పు తీసుకొచ్చే శక్తివంతమైన సాధనమని పేర్కొన్నారు. సమానత్వం, రాజ్యాంగ విలువలు, సామాజిక న్యాయం, సమ్మిళిత అభివృద్ధిని ప్రోత్సహించడంలో విశ్వవిద్యాలయాలకు కీలక బాధ్యత ఉందన్నారు. సామాజిక మార్పులో మహనీయుల పాత్రపై చర్చ
ఈ సందర్భంగా అధ్యాపకులు, పరిశోధకులు, విద్యార్థులు సామాజిక న్యాయం, సమాన అవకాశాలు, సమ్మిళిత విద్య వంటి సమకాలీన అంశాలపై చర్చించారు. మహనీయుల ఆశయాలను ఆచరణలోకి తీసుకురావడం ద్వారా సమాజంలో నిర్మాణాత్మక మార్పు సాధ్యమవుతుందని వక్తలు పేర్కొన్నారు.
ఈ కార్యక్రమంలో యూసీఏ అండ్ ఎస్ఎస్ ప్రిన్సిపాల్ ఆచార్య సి. ఖాసీం, అంబేడ్కర్ పరిశోధనా కేంద్రం డైరెక్టర్ ఆచార్య లింగప్ప, మహాత్మా జ్యోతిబా ఫూలే పరిశోధనా కేంద్రం డైరెక్టర్ డాక్టర్ మాధవి, మహ్ లఖా బాయి మహిళా అధ్యయన కేంద్రం డైరెక్టర్ ఆచార్య హమీదా బీ, పౌర సేవల అకాడమీ డైరెక్టర్ ఆచార్య కె. నాగేశ్వర్, పలువురు అధ్యాపకులు, బోధనేతర సిబ్బంది, పరిశోధక విద్యార్థులు, విద్యార్థులు పాల్గొన్నారు.
సామాజిక సంస్కర్తలు, జాతీయ నాయకుల ఆలోచనలు, సేవలపై విద్యార్థుల్లో అవగాహన పెంపొందించేందుకు ఇలాంటి స్మారక ఉపన్యాస కార్యక్రమాలను కొనసాగిస్తామని నిర్వాహకులు తెలిపారు.
