Shabad: షాబాద్ ఎమ్మార్వో అన్వర్, ఏవో విజయచంద్రకు అవార్డులు

షాబాద్: 80 వ స్వాతంత్ర్య దినోత్సవ వేడుకల సందర్భంగా విధి నిర్వహణలో ఉత్తమ ప్రతిభ కనబరిచిన షాబాద్ ఎమ్మార్వో అన్వర్కు ఉత్తమ ఎమ్మార్వోగా, ఏవో దండం విజయచంద్రకు ఉత్తమ ఏవోగా అవార్డులు లభించాయి. ఈ అవార్డులను జిల్లా మంత్రి దుద్దిళ్ల శ్రీధర్ బాబు,కలెక్టర్ నారాయణ రెడ్డి చేతుల మీదుగా వారు అందుకున్నారు.

ప్రజలకు మెరుగైన సేవలు అందించడం, విధి నిర్వహణలో అంకితభావంతో పనిచేయడం, ప్రభుత్వ కార్యక్రమాలను సమర్థవంతంగా అమలు చేయడంలో చూపిన ప్రతిభకు గుర్తింపుగా ఈ అవార్డులను అందజేశారు.

ఈ సందర్భంగా వారు మాట్లాడుతూ తమ సేవలను గుర్తించి ఉత్తమ అధికారులుగా ఎంపిక చేసి, కలెక్టర్ నారాయణ రెడ్డి చేతుల మీదుగా అవార్డులు అందుకోవడం ఎంతో ఆనందంగా, గర్వంగా ఉందన్నారు. ఈ పురస్కారం తమపై మరింత బాధ్యతను పెంచిందని, భవిష్యత్తులో కూడా ప్రజలకు మరింత మెరుగైన సేవలు అందించేందుకు అంకితభావంతో పనిచేస్తామని తెలిపారు.

ఉత్తమ ఎమ్మార్వో, ఉత్తమ ఏవోగా అవార్డులు అందుకున్న అన్వర్, దండం విజయచంద్రలను అధికారులు, సిబ్బంది, ప్రజాప్రతినిధులు, స్థానికులు అభినందించారు.