Tandur: 16వ వార్డులో ప్రత్యేక డ్రైవ్ గుంతల రోడ్లకు శాశ్వత పరిష్కారం!

Tandur: తాండూరు మున్సిపల్ పరిధిలోని 16వ వార్డులో వార్డు కౌన్సిలర్ శ్రీమతి నారా శ్రీలత శ్రీకాంత్ ఆధ్వర్యంలో ప్రత్యేక డ్రైవ్ కార్యక్రమం నిర్వహించారు.

ఈ సందర్భంగా కౌన్సిలర్ మాట్లాడుతూ...

వార్డులో గుంతలతో అధ్వాన్నంగా మారిన రోడ్లను ప్రజల రాకపోకలకు అనుకూలంగా తీర్చిదిద్దేందుకు, డస్ట్ మరియు మోరంను వేయించి గుంతలను పూడ్చివేయడం జరిగిందన్నారు.

ప్రజల ఇబ్బందులను గుర్తించి, వారి సౌకర్యమే లక్ష్యంగా వెంటనే స్పందిస్తూ ఈ కార్యక్రమాన్ని చేపడుతున్నామన్నారు. వర్షాకాలంలో ప్రమాదాలకు కారణమవుతున్న గుంతలను పూడ్చివేయడం ద్వారా వాహనదారులు, పాదచారులు సురక్షితంగా ప్రయాణించేలా చర్యలు తీసుకుంటున్నట్లు తెలిపారు.ప్రజలకు అవసరమైన ప్రతి సమస్య పరిష్కారానికి ఎల్లప్పుడూ అందుబాటులో ఉంటానని అన్నారు.16వ వార్డును ఆదర్శ వార్డుగా తీర్చిదిద్దే దిశగా ముందుకు సాగుతున్నారు.