Mysterious Creature: సైన్స్‌కు దొరకని అంతుచిక్కని రహస్యం.. భూమిపైకి ఏలియన్ వచ్చేసిందా ?

Mysterious Creature: అమెరికా-మెక్సికో సరిహద్దు ప్రాంతంలో ఓ వింత జీవి సంచారం స్థానికంగా తీవ్ర కలకలం రేపుతోంది. సాధారణ జంతువులా కనిపించని ఈ ప్రాణి, రాత్రి సమయాల్లో ఇళ్లపైబడి కోళ్లు, కుందేళ్లను ఎత్తుకెళ్తుండటంతో ప్రజలు బెంబేలెత్తిపోతున్నారు. మెక్సికోలోని చిహువాహువా రాష్ట్రం వ్యాలీ ఆఫ్ జువారెజ్ ప్రాంతంలో ఈ ఘటన వెలుగు చూసింది. పెంపుడు జంతువులు అకస్మాత్తుగా మాయమవడంతో అనుమానం వచ్చిన స్థానికులు అధికారులను ఆశ్రయించారు. దీంతో సీసీ కెమెరాలను పరిశీలించగా ఈ వింత జీవి కంటపడింది.

ఆరు అడుగుల పొడవు.. మూడు అడుగుల తోక

యుఎఫ్‌ఓలపై పరిశోధనలు నిర్వహించే జైమ్ మౌస్సాన్ బృందం విడుదల చేసిన సీసీ కెమెరా దృశ్యాలు అందరినీ విస్మర్యానికి గురిచేస్తున్నాయి. ఈ జీవి దాదాపు ఆరు అడుగుల పొడవు ఉండటంతో పాటు సుమారు మూడు అడుగుల పొడవైన తోకను కలిగి ఉంది. లేత రంగులో ఉన్న ఈ ప్రాణి చాలా వేగంగా కదులుతూ భారీ ఇటుక గోడలను సైతం ఇట్టే దాటేస్తోంది. ఎలుకలు, రకూన్లు లేదా కుందేళ్ల లాంటి సాధారణ జంతువులతో దీని పోలికలు ఏమాత్రం సరిపోవడం లేదని పరిశోధకులు చెబుతున్నారు.

మనుషుల లాగా నిటారుగా నడిచే వింత ప్రాణి

ఈ వింత జీవి సాధారణ జంతువులా కాకుండా వెనుక కాళ్లపై మనిషిలా నిటారుగా నడవగలదని పరిశోధకులు వెల్లడించారు. చాలా తెలివిగా వ్యవహరిస్తూ కోడిని నోట కరుచుకుని సమీపంలోని చెట్లపైకి ఎక్కినట్లు కొందరు ప్రత్యక్ష సాక్షులు తెలిపారు. దీని ప్రవర్తన చూస్తుంటే ఏదో ప్రత్యేకమైన జాతికి చెందినదిగా అనిపిస్తోందని స్థానికులు ఆందోళన వ్యక్తం చేస్తున్నారు. గతంలోనూ ఇలాంటి విచిత్ర నమూనాలను ప్రదర్శించి చర్చనీయాంశంగా మారిన జైమ్ మౌస్సాన్, ఇది మరో గ్రహం నుంచి వచ్చిందా అనే అనుమానాన్ని వ్యక్తం చేశారు.

శాస్త్రీయ పరిశోధనతో తేలాల్సిన అసలు నిజం

ఈ వింత జీవికి సంబంధించిన ఫొటోలు, వీడియోలు సోషల్ మీడియాలో విపరీతంగా వైరల్ అవుతున్నాయి. కొందరు ఇది కేవలం అరుదైన అడవి జంతువు కావచ్చని కొట్టిపారేస్తుంటే, మరికొందరు మాత్రం ఏలియన్ లేదా గ్రహాంతర జీవి అయి ఉంటుందని వాదిస్తున్నారు. అమెరికా ప్రభుత్వం ఇప్పటివరకు గుర్తించని ఆకాశ వస్తువులు లేదా వింత జీవుల ఉనికిని ధృవీకరించలేదు. ఏదేమైనా సరిహద్దు ప్రాంత ప్రజలను భయభ్రాంతులకు గురిచేస్తున్న ఈ జీవి అసలు రూపం ఏమిటనేది తెలియాలంటే శాస్త్రవేత్తల సమగ్ర పరిశీలన ఖచ్చితంగా అవసరం.