New Zealand Earthquake: న్యూజిలాండ్లో 6.3 తీవ్రత భూకంపం.. సునామీ హెచ్చరిక
న్యూజిలాండ్లో 6.3 తీవ్రతతో భూకంపం సంభవించింది. తీర ప్రాంతాలకు సునామీ హెచ్చరికలు జారీ చేసి ప్రజలను అప్రమత్తం చేశారు.
New Zealand Hit by 6.3 Quake, Tsunami Warning Issued
న్యూజిలాండ్లోని దక్షిణ ద్వీపాన్ని గురువారం శక్తివంతమైన భూకంపం కుదిపేసింది. రిక్టర్ స్కేలుపై భూకంప తీవ్రత 6.3గా నమోదైనట్లు అధికారులు వెల్లడించారు. భూకంపం అనంతరం తీర ప్రాంతాలకు సునామీ హెచ్చరికలు జారీ చేయడంతో ప్రజలను అప్రమత్తం చేశారు.
న్యూజిలాండ్ నేషనల్ ఎమర్జెన్సీ మేనేజ్మెంట్ ఏజెన్సీ తెలిపిన వివరాల ప్రకారం, ప్రముఖ పర్యాటక ప్రాంతమైన టె అనావ్ పట్టణానికి సుమారు 40 కిలోమీటర్ల దూరంలో, భూమికి 50 కిలోమీటర్ల లోతులో భూకంప కేంద్రం నమోదైంది.
భూకంప ప్రభావంతో పలు ప్రాంతాల్లో భవనాలు కొన్ని సెకన్ల పాటు బలంగా కంపించాయి. ఒక్కసారిగా ప్రకంపనలు రావడంతో ప్రజలు భయాందోళనలకు గురై ఇళ్ల నుంచి బయటకు పరుగులు తీశారు.
అధికారులు తీర ప్రాంత ప్రజలు వెంటనే సురక్షిత ప్రాంతాలకు వెళ్లాలని సూచించారు. అయితే ఇప్పటివరకు ఆస్తి, ప్రాణ నష్టానికి సంబంధించిన అధికారిక సమాచారం వెలువడలేదు. పరిస్థితిని అత్యవసర విభాగాలు నిరంతరం పర్యవేక్షిస్తున్నాయి.