Rayachoti: ఎంపీటీసీ, జడ్పీటీసీ ఎన్నికల్లో అన్ని స్థానాలూ గెలవాలి మంత్రి!

రాయచోటి: అన్నమయ్య జిల్లా లక్కిరెడ్డిపల్లె మండలంలోని తెలుగుదేశం పార్టీ కార్యాలయంలో పార్టీ నాయకులు, కార్యకర్తలతో సమావేశమైన మంత్రివర్యులు మండిపల్లి రాంప్రసాద్ రెడ్డి గారు, రానున్న ఎంపీటీసీ, జడ్పీటీసీ ఎన్నికల్లో పార్టీ అభ్యర్థులను ఘన విజయం సాధించేలా ప్రతి ఒక్కరూ సమన్వయంతో పనిచేయాలని దిశానిర్దేశం చేశారు.

ఈ సందర్భంగా మంత్రి మండిపల్లి రాంప్రసాద్ రెడ్డి గారు మాట్లాడుతూ, తెలుగుదేశం పార్టీ నాయకులు, కార్యకర్తలు ప్రజలతో నిరంతరం మమేకమవుతూ, ప్రభుత్వ సంక్షేమ పథకాలను ప్రజల్లోకి తీసుకెళ్లాలని సూచించారు. క్షేత్రస్థాయిలో పార్టీని మరింత బలోపేతం చేస్తూ, రానున్న ఎన్నికల్లో పార్టీ విజయానికి ప్రతి ఒక్కరూ బాధ్యతగా కృషి చేయాలని పిలుపునిచ్చారు.

ఎన్నికలను అత్యంత ప్రతిష్టాత్మకంగా తీసుకుని, గ్రామస్థాయి నుంచి పార్టీ శ్రేణులన్నీ ఐక్యంగా ముందుకు సాగాలని మంత్రి సూచించారు. నాయకులు, కార్యకర్తల మధ్య సమన్వయం, క్రమశిక్షణ, ఐక్యతే పార్టీ విజయానికి కీలకమని పేర్కొంటూ, లక్కిరెడ్డిపల్లె మండలంలో అన్ని ఎంపీటీసీ, జడ్పీటీసీ స్థానాల్లో విజయం సాధించడమే లక్ష్యంగా ప్రతి ఒక్కరూ కృషి చేయాలని స్పష్టం చేశారు.

పార్టీ పట్ల నిబద్ధతతో పనిచేస్తూ ప్రజల విశ్వాసాన్ని చూరగొనాలని, ప్రతి గ్రామంలో తెలుగుదేశం పార్టీ విజయానికి బలమైన పునాదులు వేయాలని నాయకులు, కార్యకర్తలకు మంత్రి మండిపల్లి రాంప్రసాద్ రెడ్డి గారు దిశానిర్దేశం చేశారు.

ఈ సమావేశంలో మౌర్యా రెడ్డి గారు,మండల అధ్యక్షులు మదన్మోహన్ గారితో పాటు తెలుగుదేశం పార్టీ నాయకులు, కార్యకర్తలు, అభిమానులు పాల్గొన్నారు.

రానున్న ఎన్నికల్లో తెలుగుదేశం పార్టీ విజయమే లక్ష్యంగా ప్రతి నాయకుడు, ప్రతి కార్యకర్త సమష్టి కృషితో ముందుకు సాగాలని మంత్రి మండిపల్లి రాంప్రసాద్ రెడ్డి గారు పిలుపునిచ్చారు.