Brahmamgari Matam: బ్రహ్మంగారిమఠంలో పలు అభివృద్ధి పనులకు శ్రీకారం చుట్టిన మఠాధిపతులు!

Brahmamgari Matam: స్థానిక శ్రీ వీరబ్రహ్మేంద్రస్వామి మఠంలో పలు నూతన అభివృద్ధి పనులకు బుధవారం శాస్త్రోక్తంగా శ్రీకారం చుట్టారు. మఠాధిపతులు శ్రీశ్రీశ్రీ వీరధర్మజ వెంకటాద్రి స్వామి వారి పవిత్ర హస్తాలతో ఈ పనుల ప్రారంభోత్సవ కార్యక్రమం వైభవంగా జరిగింది.

​ఈ కార్యక్రమానికి శ్రీశ్రీశ్రీ ఈశ్వరిదేవి మఠం పీఠాధిపతులు శ్రీశ్రీశ్రీ వీర శివకుమార స్వాముల వారు ప్రత్యేక ఆహ్వానితులుగా విచ్చేశారు. అర్చకుల వేద మంత్రోచ్ఛారణలు, మంగళవాయిద్యాల నడుమ పూజా కార్యక్రమాలు నిర్వహించారు.

​ఈ సందర్భంగా మఠం మేనేజర్ పల్లకొండ పెంచల నరసింహ ప్రసాద్ మాట్లాడుతూ.. దాతల ఆర్థిక సహకారంతో మఠంలో వివిధ అభివృద్ధి పనులను చేపడుతున్నట్లు తెలిపారు.

​చేపట్టనున్న పనుల వివరాలు యాగశాల నిర్మాణం: సుమారు రూ. 7 నుంచి 8 లక్షల అంచనా వ్యయం, ​పశ్చిమ ద్వారం నిర్మాణం: సుమారు రూ. 3 లక్షలు.

​ప్రత్యేక ప్రవేశ ద్వారం: దివ్యాంగులు సులభంగా ఆలయంలోకి వెళ్లేందుకు రూ. 2 లక్షలతో ప్రత్యేక ద్వార నిర్మాణం.

​ఈ కార్యక్రమంలో స్థానిక మండల నాయకులు, వివిధ రాజకీయ పార్టీల ప్రతినిధులు, భక్తులు, శిష్యులు, మీడియా ప్రతినిధులు పెద్ద సంఖ్యలో పాల్గొన్నారు. అనంతరం భక్తులు స్వామివారిని దర్శించుకుని తీర్థప్రసాదాలు స్వీకరించారు.