Duvvuru: దువ్వూరు మండలంలో పంచాయతీ నామినేషన్లకు 5 క్లస్టర్ కేంద్రాలు ఏర్పాటు!

Duvvuru: రాబోయే గ్రామ పంచాయతీ ఎన్నికలను పురస్కరించుకుని దువ్వూరు మండలంలో సర్పంచ్ అభ్యర్థుల నామినేషన్ల స్వీకరణకు 5 క్లస్టర్ కేంద్రాలను ఏర్పాటు చేసినట్లు మండల అభివృద్ధి అధికారి (ఎంపీడీవో) జవహర్ బాబు, డిప్యూటీ ఎంపీడీవో హరికృష్ణ యాదవ్ తెలిపారు. అభ్యర్థుల సౌలభ్యం, పరిపాలనా సౌలభ్యం దృష్ట్యా పంచాయతీలను విభజించి ఈ కేంద్రాలను సిద్ధం చేసినట్లు వారు పేర్కొన్నారు.

​క్లస్టర్ల వారీగా కేటాయించిన పంచాయతీల వివరాలు:

​కానగూడూరు క్లస్టర్: కానగూడూరు, కృష్ణంపల్లె, ఇడమడక, నారాయణపల్లె, ఐ.బయనపల్లె పంచాయతీలు.

​దువ్వూరు క్లస్టర్: దువ్వూరు, పెద్ద జొన్నవరం, జిల్లెల్ల, సంజీవరెడ్డి పల్లె, నెలటూరు పంచాయతీలు.

​భీమునిపాడు క్లస్టర్: భీమునిపాడు, బుక్కయపల్లె, అన్నపుశాస్త్రులపల్లె, ఎం. యర్రబల్లె, మాచనపల్లె పంచాయతీలు.

​చిన్నసింగనపల్లె క్లస్టర్: చిన్నసింగనపల్లె, నీలాపురం, మదిరేపల్లె, మూడిండ్లపల్లె పంచాయతీలు.

​చింతకుంట క్లస్టర్: చింతకుంట, టి. చల్లబసాయపల్లె, గుడిపాడు, వెంకుపల్లె పంచాయతీలు.

​సంబంధిత పంచాయతీల సర్పంచ్ అభ్యర్థులు తమకు కేటాయించిన క్లస్టర్ కేంద్రాల్లోనే నామినేషన్ పత్రాలను సమర్పించాలని అధికారులు సూచించారు. నామినేషన్ల ప్రక్రియ సజావుగా సాగేందుకు అవసరమైన అన్ని ఏర్పాట్లు పూర్తి చేస్తున్నట్లు వారు వెల్లడించారు.