Galiveedu: పసుపు కుంకుమ భూమిపై వివాదం: బాధితురాలి ఆవేదన

అన్నమయ్య జిల్లా: గాలివీడు మండలం గోరన్ చెరువు గ్రామంలో భూ వివాదం వెలుగులోకి వచ్చింది. సర్వే నంబర్‌ 2లోని రెండు ఎకరాల 40 సెంట్ల భూమి విషయంలో తన తమ్ముడు కబ్జా చేసేందుకు ప్రయత్నిస్తున్నాడని గాజుల ప్రభావతమ్మ ఆరోపించారు.

ఈ భూమిని వివాహ సమయంలో పసుపు కుంకుమ కింద ఇచ్చారని తెలిపారు. తన భూమిలోకి రావద్దంటూ అడ్డుకుంటూ దాడి చేస్తున్నాడని ఆవేదన వ్యక్తం చేశారు. సంబంధిత అధికారులు స్పందించి తమ భూ సమస్యను పరిష్కరించి న్యాయం చేయాలని ప్రభావతమ్మ వేడుకున్నారు.