Kakinada: తలుపులమ్మ అమ్మవారి ఆషాడ ఉత్సవాలు.. 1008 మందితో కుంకుమ పూజ!

Kakinada: జిల్లాలోని ప్రసిద్ధ పుణ్యక్షేత్రమైన శ్రీ తలుపులమ్మ అమ్మవారి ఆషాడమాస మహోత్సవాలు అత్యంత భక్తిశ్రద్ధలతో, వైభవంగా జరిగాయి. ఉత్సవాల్లో భాగంగా ఈరోజు రాజవంశీకులు అమ్మవారికి సంప్రదాయబద్ధంగా పట్టువస్త్రాలు సమర్పించి తమ భక్తిప్రపత్తులను చాటుకున్నారు.

​ఈ పర్వదినాన్ని పురస్కరించుకుని ఆలయ ప్రాంగణంలో వేద పండితుల మంత్రోచ్ఛారణల మధ్య శాస్త్రోక్తంగా 'చండీ హోమం' నిర్వహించారు. ఈ వేడుకలలో ప్రధాన ఆకర్షణగా 1008 మంది కన్నెపిల్లలచే సామూహిక కుంకుమ పూజను అత్యంత కన్నులపండువగా జరిపించారు. పెద్ద సంఖ్యలో కన్నెపిల్లలు ఒకేచోట చేరి అమ్మవారికి కుంకుమార్చన చేయడంతో ఆలయ ప్రాంగణం ఆధ్యాత్మిక శోభను సంతరించుకుంది.

​ఈ విశేష పూజా కార్యక్రమాల అనంతరం, సుదూర ప్రాంతాల నుంచి భారీ సంఖ్యలో తరలివచ్చిన భక్తులు అమ్మవారిని దర్శించుకుని తరించారు. దర్శనానంతరం భక్తులందరికీ ఆలయ నిర్వాహకులు తీర్థప్రసాదాలు అందజేశారు.