Kakinada: 'అర్నబ్' తుఫాను హెచ్చరికలు తొండంగిలో 27 పునరావాస కేంద్రాలు!

కాకినాడ జిల్లా: తుఫాను హెచ్చరికల నేపథ్యంలో తొండంగి మండల యంత్రాంగం అప్రమత్తమైందని, తీరప్రాంత ప్రజల రక్షణ కోసం అన్ని ముందస్తు చర్యలు చేపట్టినట్లు తొండంగి తహశీల్దార్ (MRO) తెలిపారు. ​మండలంలో తుఫాను పరిస్థితులు, సహాయక చర్యలపై ఆయన మాట్లాడుతూ..

కీలక వివరాలను వెల్లడించారు:

​మండల పరిధిలోని 4 రెవెన్యూ గ్రామాలు మరియు 7 పంచాయతీల పరిధిలో ఉన్న 34 హ్యాబిటేషన్స్ (నివాస ప్రాంతాలు) కాస్టల్ ఏరియా కింద తుఫాను ప్రభావానికి గురయ్యే అవకాశం ఉందని MRO తెలిపారు. ​మత్స్యకారులు ఎవరూ కూడా సముద్రంలోకి వేటకు వెళ్లకూడదని స్పష్టమైన హెచ్చరికలు జారీ చేశామన్నారు.

​మత్స్యశాఖ అధికారుల (FDO) సహకారంతో ఇప్పటివరకు మొత్తం 510 బోట్లను సురక్షితంగా ఒడ్డుకు చేర్చి వొడ్డు (Anchor) చేయడం జరిగిందని వెల్లడించారు. ​గ్రామ రెవెన్యూ అధికారులు (VROs), సచివాలయ సిబ్బంది మరియు ఫిషరీస్ అసిస్టెంట్లతో కలిసి మత్స్యకారులను ఎప్పటికప్పుడు అప్రమత్తం చేస్తున్నామని తెలిపారు.

​తీరప్రాంత ప్రజల కోసం ముందస్తుగా 27 పునరావాస కేంద్రాలను (Shelter Homes) ఏర్పాటు చేసినట్లు MRO వెల్లడించారు. ​తుఫాను తీవ్రత ఎక్కువగా ఉండే అవకాశం ఉన్నందున, తీరప్రాంత ప్రజలందరినీ సురక్షిత ప్రాంతాల్లోని ఈ పునరావాస కేంద్రాలకు రావాల్సిందిగా కోరమన్నారు.

​పునరావాస కేంద్రాలకు వచ్చే ప్రజలకు ఎటువంటి ఇబ్బందులు కలగకుండా భోజనం, మంచి నీరు వంటి అన్ని వసతులు కల్పిస్తున్నామని స్పష్టం చేశారు.