Tuni: లోవ తలుపులమ్మ గుడిలో ఆషాడ ఉత్సవాలు పంచామృతాభిషేకం!

Tuni: ప్రసిద్ధ పుణ్యక్షేత్రమైన తుని మండలం లోని లోవ తలుపులమ్మ అమ్మవారి ఆలయంలో ఆషాడ మాస మహోత్సవాలు అంగరంగ వైభవంగా జరుగుతున్నాయి.

​ఈ మహోత్సవాలలో భాగంగా, నాటి పవిత్ర దినమైన అమ్మవారి జన్మ నక్షత్రం స్వాతి సందర్భంగా అమ్మవారికి అత్యంత భక్తిశ్రద్ధలతో పంచామృత అభిషేకం నిర్వహించారు. వేద మంత్రోచ్ఛారణల మధ్య అర్చకులు అమ్మవారికి పాలు, పెరుగు, తేనె, నెయ్యి, పంచదారతో కూడిన పంచామృతాలతో విశేష అభిషేకాలు చేపట్టారు.

​ఈ ప్రత్యేక పూజా కార్యక్రమంలో స్థానిక భక్తులతో పాటు చుట్టుపక్కల ప్రాంతాల నుండి భారీ సంఖ్యలో తరలివచ్చి అమ్మవారిని దర్శించుకుని, విశేష పూజలు నిర్వహించారు. అమ్మవారి కృపతో లోకమంతా సుభిక్షంగా ఉండాలని భక్తులు ప్రార్థించారు.