Tuni: తునిలో రూ.85 లక్షల అభివృద్ధి పనులకు శంకుస్థాపనలు!

​తుని: ​తునిలో ఇవాళ రూ.85 లక్షల అభివృద్ధి పనులకు శంకుస్థాపనలు మరియు ప్రారంభోత్సవాలు నిర్వహించడం జరిగింది. ​తుని అభివృద్ధి కోసం ఇప్పటివరకు రూ.208 కోట్లతో సమగ్ర ప్రణాళికలు అమలుపరుస్తున్నాం. ​రాష్ట్ర ప్రభుత్వం వద్ద పెండింగ్‌లో ఉన్న ప్రతిపాదనలపై మున్సిపల్ శాఖా మంత్రి పి. నారాయణను కలిసి అనుమతులు కోరగా, ఆయన సానుకూలంగా స్పందించారు; త్వరలోనే మరిన్ని నిధులు, అనుమతులు సాధిస్తాం.

​రూ.61 కోట్లతో పట్టణంలో అభివృద్ధి పనులు శరవేగంగా జరుగుతున్నాయి; ఇందులో భాగంగా రూ.21 కోట్లతో 63 రోడ్లను నిర్మించి, పాత రోడ్లను సువిశాల రహదారులుగా విస్తరించాం. ​పట్టణ ప్రజలకు ఆహ్లాదకరమైన వాతావరణాన్ని అందించేందుకు 11 పార్కుల నవీకరణ పూర్తి చేశాం.

​ఇచ్చిన హామీ మేరకు రూ.15 కోట్లతో ఇంటింటికీ నాణ్యమైన త్రాగునీరు అందిస్తున్నాం. ​ఇసుకలపేటలో రూ.14.26 కోట్లతో మురుగుశుద్ధి ప్లాంట్ (సెవెంజ్ ట్రీట్మెంట్ ప్లాంట్) నిర్మాణానికి భూసేకరణ ప్రక్రియ దాదాపు పూర్తయింది.

​దేశవ్యాప్తంగా నెలకొన్న వర్షాభావ పరిస్థితుల ప్రభావం తునిపై పడకుండా తాండవ, పంపా జలాశయాలతో పాటు స్థానిక చెరువుల్లోకి నీటిని మళ్లించాలని ముఖ్యమంత్రిని కోరడం జరిగింది. ​ఇప్పటికే పోలవరం నీటిని తాండవ షుగర్ ఫ్యాక్టరీ వద్ద తాండవ నదిలోకి మళ్లించడం ద్వారా తుని పట్టణాన్ని త్రాగునీటి సమస్య నుంచి విజయవంతంగా గట్టెక్కించగలిగాం.