Sircilla: సిరిసిల్ల బండి సంజయ్ జన్మదిన వేడుకలు - అన్నదానం

సిరిసిల్ల: కేంద్ర హోంశాఖ సహాయ మంత్రి, కరీంనగర్ ఎంపీ, బీజేపీ జాతీయ ప్రధాన కార్యదర్శి బండి సంజయ్ కుమార్ జన్మదినం సందర్భంగా రాజన్న సిరిసిల్ల జిల్లా కేంద్రంలోని నేతన్న విగ్రహం వద్ద భారతీయ జనతా పార్టీ జిల్లా శాఖ ఆధ్వర్యంలో అన్నదాన కార్యక్రమం ఘనంగా నిర్వహించారు.

ఈ సందర్భంగా బీజేపీ జిల్లా అధ్యక్షుడు రెడ్డబోయిన గోపి మాట్లాడుతూ, బండి సంజయ్ కుమార్ నిండు నూరేళ్లు ఆయురారోగ్యాలతో ప్రజాసేవలో కొనసాగాలని ఆకాంక్షించారు. ఒక సాధారణ కార్యకర్తగా రాజకీయ ప్రస్థానం ప్రారంభించి కేంద్ర హోంశాఖ సహాయ మంత్రిగా ఎదగడం ప్రతి కార్యకర్తకు స్ఫూర్తిదాయకమని పేర్కొన్నారు.

ప్రజా సమస్యలను తెలుసుకుంటూ, ప్రజలకు ఎల్లప్పుడూ అందుబాటులో ఉండే నాయకుడిగా బండి సంజయ్ సేవలను ఆయన కొనియాడారు. ఈ కార్యక్రమంలో కరీంనగర్ పార్లమెంట్ కో-కన్వీనర్ అడెపు రవీందర్, జిల్లా ప్రధాన కార్యదర్శి పొన్నాల తిరుపతిరెడ్డి, జిల్లా అధికార ప్రతినిధి రాజా సింగ్, జిల్లా నాయకులు, మహిళా మోర్చా, కిసాన్ మోర్చా, ఎస్సీ, ఎస్టీ మోర్చా ప్రతినిధులు, మున్సిపల్ కౌన్సిలర్లు, సర్పంచులు, కార్యకర్తలు పెద్ద సంఖ్యలో పాల్గొన్నారు.