Gangadhara: గంగాధరలో చంద్రబాబు జన్మదిన వేడుకలు!

Gangadhara: కరీంనగర్ జిల్లా గంగాధర మండలంలోని మధురనగర్‌లో ఆంధ్రప్రదేశ్ ముఖ్యమంత్రి ఎన్ చంద్రబాబు నాయుడు జన్మదిన వేడుకలు ఘనంగా నిర్వహించారు. ఈ సందర్భంగా పార్టీ నాయకులు, కార్యకర్తలు కలిసి కేక్ కట్ చేసి ఏపీ సీఎం చంద్రబాబు నాయుడికి జన్మదిన శుభాకాంక్షలు తెలిపారు.

ఈ కార్యక్రమానికి మండల పార్టీ అధ్యక్షులు మల్కాపురం రాజేశం గౌడ్ ముఖ్యంగా హాజరై మాట్లాడుతూ, ఏపీ సీఎం చంద్రబాబు నాయుడు నాయకత్వంలో ఆంధ్ర ప్రదేశ్ రాష్ట్రం అభివృద్ధి పథంలో దూసుకెళ్తోందని పేర్కొన్నారు. ప్రజా సంక్షేమం, పరిపాలనలో ఆయన చూపుతున్న దూరదృష్టి అభినందనీయమని అన్నారు.

జిల్లా నాయకులు వైద భూపతి, దాసరి నర్సయ్యతో పాటు పలువురు పార్టీ కార్యకర్తలు, అభిమానులు పాల్గొని వేడుకలను ఉత్సాహంగా నిర్వహించారు. నాయకులు సీఎం చంద్రబాబు నాయుడు ఆయురారోగ్యాలతో మరెన్నో సంవత్సరాలు ప్రజాసేవ చేయాలని ఆకాంక్షించారు.