Choppadandi: వర్షాకాలం రాకముందే మేల్కొన్న చొప్పదండి మున్సిపాలిటీ!
Choppadandi: చొప్పదండి పట్టణంలో వరదనీటి కాలువ పూడికతీత పనులను మున్సిపాలిటీ రూ.5 లక్షలతో ప్రారంభించింది.
Choppadandi: వర్షాకాలం రాకముందే మేల్కొన్న చొప్పదండి మున్సిపాలిటీ!
కరీంనగర్ జిల్లా: చొప్పదండి పట్టణ పరిధిలోని కుడి చెరువు మత్తడి నుంచి గుమ్లాపూర్ ఎక్స్ రోడ్డు వరకు వెళ్లే వరదనీటి కాలువ పూడుకుపోవడంతో స్థానిక ప్రజలు తీవ్ర ఇబ్బందులు ఎదుర్కొంటున్నారు. ముఖ్యంగా భారీ వర్షాల సమయంలో వరదనీరు ఇండ్లలోకి చేరడంతో ప్రజల దైనందిన జీవనం ప్రభావితమవుతున్న నేపథ్యంలో సమస్య పరిష్కారానికి మున్సిపాలిటీ చర్యలు ప్రారంభించింది.
ఈ క్రమంలో చొప్పదండి మున్సిపాలిటీ సాధారణ నిధుల నుంచి రూ.5 లక్షలు కేటాయించి, మున్సిపల్ పాలకవర్గం ఆధ్వర్యంలో వరదనీటి కాలువ పూడికతీత పనులను ప్రారంభించారు. రానున్న వర్షాకాలాన్ని దృష్టిలో ఉంచుకొని వరదనీటి ప్రవాహానికి ఎలాంటి ఆటంకం కలగకుండా, నీరు సాఫీగా వెళ్లేలా ఈ పనులు చేపట్టినట్లు అధికారులు తెలిపారు.
ఈ పనులు పూర్తయితే వరద ముప్పు తగ్గి, సమీప ప్రాంతాల ప్రజలకు ఉపశమనం కలిగే అవకాశం ఉందని పేర్కొన్నారు.
ఈ సందర్భంగా మున్సిపల్ చైర్పర్సన్ వడ్లూరి సరిత-శ్రీనివాస్ మాట్లాడుతూ, ప్రజలకు ఎలాంటి ఇబ్బందులు తలెత్తకుండా ముందస్తు చర్యలతో అభివృద్ధి కార్యక్రమాలు కొనసాగిస్తున్నామని తెలిపారు. “ప్రజల సమస్యల పరిష్కారమే మా లక్ష్యం… ప్రజల సౌకర్యమే మా బాధ్యత” అని ఆమె స్పష్టం చేశారు.