Ellanthakunta: ఇల్లంతకుంట సీహెచ్‌సీ నిర్మాణ పనులను పరిశీలించిన డీఎంహెచ్‌వో

ఇల్లంతకుంట: రాజన్న సిరిసిల్ల జిల్లా ఇల్లంతకుంటలో నిర్మాణంలో ఉన్న సామాజిక ఆరోగ్య కేంద్రం (సీహెచ్‌సీ) నూతన భవన పనులను జిల్లా వైద్య & ఆరోగ్య అధికారి డా. ఏంజెలా ఆల్ఫ్రెడ్ ఆకస్మికంగా తనిఖీ చేశారు. పనుల నాణ్యతపై రాజీ పడొద్దని అధికారులకు సూచించారు.

ఇల్లంతకుంట సీహెచ్‌సీ నూతన భవన నిర్మాణ పనులను జిల్లా వైద్య & ఆరోగ్య అధికారి డా. ఏంజెలా ఆల్ఫ్రెడ్ పరిశీలించారు. నిర్మాణ పనుల పురోగతి, నాణ్యత, భద్రతా ప్రమాణాలు, పనులు పూర్తి చేసే గడువుపై ఇంజినీరింగ్ అధికారులు, కాంట్రాక్టర్‌తో సమీక్ష నిర్వహించారు.

ప్రజలకు మెరుగైన వైద్య సేవలు అందించేందుకు ప్రభుత్వం నిర్మిస్తున్న ఈ భవనాన్ని నిర్దేశిత గడువులో నాణ్యతతో పూర్తి చేయాలని అధికారులను ఆదేశించారు. భవనం పూర్తయిన తర్వాత రోగులకు అన్ని మౌలిక సదుపాయాలతో కూడిన సౌకర్యవంతమైన వైద్య సేవలు అందేలా చర్యలు తీసుకోవాలని సూచించారు.

నిర్మాణ పనుల్లో నాణ్యత విషయంలో ఎలాంటి రాజీ పడకూడదని డీఎంహెచ్‌వో స్పష్టం చేశారు. ఈ తనిఖీలో ప్రోగ్రాం అధికారులు డా. నాగేంద్ర బాబు, డా. రామకృష్ణ పాల్గొన్నారు.