Manthani: మంత్రి శ్రీధర్ బాబుకు రాఖీ కట్టిన మాజీ ఎంపీటీసీ దొడ్డ గీత రాణి!

మంథాని: రక్షాబంధన్ పర్వదినాన్ని పురస్కరించుకుని పెద్దపల్లి జిల్లా అడవి శ్రీరాంపూర్ మాజీ ఎంపీటీసీ దొడ్డ గీత రాణి బాలాజీ హైదరాబాద్‌లో రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబును మర్యాదపూర్వకంగా కలిశారు. ఈ సందర్భంగా మంత్రి శ్రీధర్ బాబుకు రాఖీ కట్టి రక్షాబంధన్ శుభాకాంక్షలు తెలిపారు.

రక్షాబంధన్ సందర్భంగా మంత్రి శ్రీధర్ బాబును కలిసిన దొడ్డ గీత రాణి బాలాజీ సోదరభావానికి ప్రతీకగా రాఖీ కట్టి పండుగ శుభాకాంక్షలు తెలియజేశారు. ఈ సందర్భంగా మంత్రి శ్రీధర్ బాబు ఆమెను ఆత్మీయంగా పలకరించి శుభాకాంక్షలు తెలిపారు.

అనంతరం దొడ్డ గీత రాణి బాలాజీ తమ ప్రథమ కుమారుడి వివాహ ఆహ్వాన పత్రికను మంత్రి శ్రీధర్ బాబుకు అందజేశారు. త్వరలో జరగనున్న వివాహ వేడుకకు హాజరై నూతన వధూవరులను ఆశీర్వదించాలని మంత్రిని సాదరంగా ఆహ్వానించారు.

ఈ సందర్భంగా దొడ్డ గీత రాణి బాలాజీ కుటుంబ సభ్యుల తరఫున మంత్రి శ్రీధర్ బాబును వివాహానికి ఆహ్వానించడం జరిగింది. రక్షాబంధన్ సందర్భంగా మంత్రిని కలిసి రాఖీ కట్టి, కుటుంబ శుభకార్యానికి ఆహ్వానించడం పట్ల ఆమె ఆనందం వ్యక్తం చేశారు.