Peddapalli: వడ్ల కొనుగోలు కేంద్రాలను ప్రారంభించిన విప్ విజయ రమణ రావు!

Peddapalli: పెద్దపల్లి జిల్లా, పెద్దపల్లి మండలం పెద్దబొంకూర్ మరియు తుర్కల మద్దికుంట గ్రామాల్లో సింగిల్ విండోల ఆధ్వర్యంలో ఏర్పాటు చేసిన వడ్ల కొనుగోలు కేంద్రాలను ప్రభుత్వ విప్, స్థానిక ఎమ్మెల్యే విజయ రమణ రావు ఘనంగా ప్రారంభించారు.

​ఈ సందర్భంగా ఆయన మాట్లాడుతూ రేట్లు తగ్గించి రైతులను నష్టపరిచే దళారుల ప్రయత్నాలను తిప్పికೊట్టడానికే వీలైనంత త్వరగా ఈ కేంద్రాలను అందుబాటులోకి తెచ్చినట్లు స్పష్టం చేశారు. ప్రభుత్వం సన్న వడ్లకు క్వింటాలుకు రూ. 2,462/- మద్దతు ధర ఇస్తోందని తెలిపారు. అంతేకాకుండా, ధాన్యం అమ్ముకున్న 24 నుండి 48 గంటల్లోపే రైతుల బ్యాంకు ఖాతాల్లో డబ్బులు జమ అవుతాయని, దీనికి అదనంగా క్వింటాలుకు రూ. 500/- బోనస్ కూడా అందుతుందని వెల్లడించారు.

​రైతులు దళారుల మాటలు నమ్మి మోసపోవద్దని, ప్రభుత్వం ఏర్పాటు చేసిన సింగిల్ విండో మరియు ఐకేపీ కేంద్రాల్లోనే ధాన్యం విక్రయించి మద్దతు ధరను పొందాలని కోరారు. రాబోయే పది రోజుల్లో పెద్దపల్లి నియోజకవర్గంలోని అన్ని కేంద్రాలను ప్రారంభించనున్నట్లు ఆయన పేర్కొన్నారు.

​ఈ కార్యక్రమంలో PSS చైర్మన్ ముత్యాల నరేష్ ముదిరాజ్ స్థానిక సింగిల్ విండో చైర్మన్లు, కాంగ్రెస్ పార్టీ నాయకులు, కార్యకర్తలు మరియు పెద్ద సంఖ్యలో రైతులు పాల్గొన్నారు.