Karimnagar: కరీంనగర్‌లో 10 జిల్లాల "సూపర్ ఫైటర్ కప్" కరాటే పోటీలు ప్రారంభం

కరీంనగర్: నగరంలో నిర్వహించిన 10 జిల్లాల స్థాయి “సూపర్ ఫైటర్ కప్” కరాటే పోటీలను నగర మేయర్ కొలగాని శ్రీనివాస్ ఘనంగా ప్రారంభించారు. ఈ సందర్భంగా మేయర్ మాట్లాడుతూ క్రీడలు యువతలో క్రమశిక్షణ, ఆత్మవిశ్వాసం మరియు శారీరక దృఢత్వాన్ని పెంపొందిస్తాయని పేర్కొన్నారు. కరాటే వంటి మార్షల్ ఆర్ట్స్ విద్యార్థులకు ఆత్మరక్షణతో పాటు మానసిక ధైర్యాన్ని కూడా అందిస్తాయని తెలిపారు. యువత క్రీడల పట్ల ఆసక్తి పెంచుకుని రాష్ట్ర, జాతీయ స్థాయిలో ప్రతిభ కనబరచాలని ఆకాంక్షించారు.

పోటీలలో పాల్గొన్న చిన్నారులు మరియు యువ క్రీడాకారులను మేయర్ అభినందించి, విజేతలకు శుభాకాంక్షలు తెలిపారు. క్రీడాకారులు అత్యుత్తమ ప్రతిభ కనబరచి కరీంనగర్ నగరానికి మంచి పేరు తీసుకురావాలని సూచించారు. ఈ కార్యక్రమంలో నిర్వాహకులు సురభి వేణుగోపాల్ , సురభి అన్వేష్ , కార్పొరేటర్ చంద్ర, క్రీడాకారులు, తల్లిదండ్రులు, ప్రజాప్రతినిధులు మరియు క్రీడాభిమానులు పాల్గొన్నారు.