Karimnagar: ఘనంగా బోనాల ఉత్సవాలు.. పాల్గొన్న మేయర్!

Karimnagar: కరీంనగర్ నగరంలోని కళాకారుల ఆధ్వర్యంలో ఘనంగా నిర్వహించిన బోనాల ఉత్సవాల్లో నగర మేయర్ కొలగాని శ్రీనివాస్ భక్తిశ్రద్ధలతో పాల్గొన్నారు. ఈ సందర్భంగా మేయర్ బోనం ఎత్తుకొని అమ్మవారికి మొక్కులు సమర్పించి ప్రత్యేక పూజలు నిర్వహించారు.

అమ్మవారి ఆశీస్సులతో నగర ప్రజలంతా సుఖసంతోషాలతో, ఆరోగ్యంగా ఉండాలని మేయర్ ప్రార్థించారు. మన సంస్కృతి, సంప్రదాయాలకు ప్రతీకగా నిలిచే బోనాల పండుగను కళాకారులు ఎంతో వైభవంగా నిర్వహించడం అభినందనీయమని ఆయన పేర్కొన్నారు.

ఈ కార్యక్రమంలో ఉత్సవ నిర్వాహకులు, కళాకారులు, మహిళలు, భక్తులు మరియు స్థానిక ప్రజలు పెద్ద సంఖ్యలో పాల్గొని బోనాల ఉత్సవాలను విజయవంతంగా నిర్వహించారు.