Sircilla: 17వ పోలీస్ బెటాలియన్‌లో ఘనంగా పండుగ సాయన్న జయంతి వేడుకలు!
Sircilla: రాజన్న సిరిసిల్ల జిల్లా సర్దాపూర్ 17వ పోలీస్ బెటాలియన్‌లో పండుగ సాయన్న జయంతి. నివాళులర్పించిన అడిషనల్ కమాండెంట్ ఎం.ఐ. సురేష్, బెటాలియన్ సిబ్బంది.
Sircilla: 17వ పోలీస్ బెటాలియన్‌లో ఘనంగా పండుగ సాయన్న జయంతి వేడుకలు!
Sircilla: రాజన్న సిరిసిల్ల జిల్లా సర్దాపూర్‌లోని 17వ (ఐఆర్) పోలీస్ బెటాలియన్‌లో పండుగ సాయన్న జయంతి వేడుకలను ఘనంగా నిర్వహించారు. ఈ సందర్భంగా బెటాలియన్ అడిషనల్ కమాండెంట్ ఎం.ఐ. సురేష్ పండుగ సాయన్న చిత్రపటానికి పూలమాల వేసి నివాళులర్పించారు.
ఈ సందర్భంగా సురేష్ మాట్లాడుతూ.. పండుగ సాయన్న 1840 నుంచి 1900 మధ్య కాలానికి చెందిన చారిత్రక వ్యక్తి అని తెలిపారు. మహబూబ్‌నగర్ సమీపంలోని నవాబ్‌పేట మండలం మెరుగోనిపల్లె గ్రామానికి చెందిన సాయన్న, గ్రామీణ క్రీడల్లో ఆరితేరిన వ్యక్తిగా గుర్తింపు పొందారని పేర్కొన్నారు. ప్రజలకు దానధర్మాలు చేసిన ప్రజా నాయకుడిగా, తెలంగాణ రాబిన్‌హుడ్‌గా ఆయన ప్రసిద్ధి చెందారని వివరించారు.
ప్రజల జానపద కథనాల్లో పండుగ సాయన్న ధైర్యసాహసాలకు, సాహసోపేతమైన చర్యలకు ప్రతీకగా నిలిచారని తెలిపారు. అణగారిన వర్గాల ప్రజల జీవన పరిస్థితులు, ఆనాటి సామాజిక అసమానతల నేపథ్యంలో ఆయన ప్రజల స్మృతిలో ప్రత్యేక స్థానం సంపాదించుకున్నారని పేర్కొన్నారు.
ఈ సందర్భంగా బెటాలియన్ అధికారులు, సిబ్బంది పండుగ సాయన్న జీవిత విశేషాలను స్మరించుకున్నారు. చారిత్రక వ్యక్తుల జీవితాల గురించి తెలుసుకోవడం ద్వారా సమాజ చరిత్ర, సంస్కృతి, ప్రజల జీవన విధానాలపై అవగాహన పెరుగుతుందని పేర్కొన్నారు. ఈ కార్యక్రమంలో బెటాలియన్ అసిస్టెంట్ కమాండెంట్లు రాందాస్, రాజు, సంజీవరెడ్డితో పాటు పలువురు అధికారులు, సిబ్బంది పాల్గొన్నారు.
