Peddapalli: పెద్దపల్లి పట్టణంలో రూ.42 లక్షలతో డ్రైనేజీ పనులకు శంకుస్థాపన!

Peddapalli: పెద్దపల్లి పట్టణ అభివృద్ధిలో మరో ముందడుగు పడింది. పట్టణంలోని 5, 9, 10, 11 వార్డుల్లో రూ.42 లక్షల వ్యయంతో చేపట్టనున్న సీసీ డ్రైనేజీ నిర్మాణ పనులకు ప్రభుత్వ విప్, పెద్దపల్లి ఎమ్మెల్యే చింతకుంట విజయ రమణారావు మంగళవారం శంకుస్థాపన చేశారు.

ఈ సందర్భంగా ఎమ్మెల్యే విజయ రమణారావు మాట్లాడుతూ, పెద్దపల్లి పట్టణ అభివృద్ధికి ప్రభుత్వం ప్రత్యేకంగా కృషి చేస్తోందని తెలిపారు. ప్రజలకు అవసరమైన మౌలిక సదుపాయాల కల్పనకు ప్రాధాన్యత ఇస్తున్నామన్నారు. పట్టణంలో అభివృద్ధి పనులను దశలవారీగా చేపడుతూ ప్రజల సమస్యలను పరిష్కరిస్తామని పేర్కొన్నారు.

ఈ పనులతో ఆయా వార్డుల్లో దీర్ఘకాలంగా ఉన్న డ్రైనేజీ సమస్యలకు పరిష్కారం లభించనుంది. ఈ కార్యక్రమంలో మున్సిపల్ చైర్మన్, కమిషనర్, కౌన్సిలర్లు, స్థానిక నాయకులు, అధికారులు పాల్గొన్నారు.