Potkapalli: మట్టి వినాయకుడినే పూజిద్దాం: పొత్కపల్లి ఎస్సై సనత్ రెడ్డి

Potkapalli: పర్యావరణ పరిరక్షణ కోసం రసాయన పదార్థాలతో తయారు చేసిన విగ్రహాలను పక్కన పెట్టి, ప్రతి ఒక్కరూ మట్టి వినాయక విగ్రహాలనే పూజించాలని పొత్కపల్లి ఎస్సై సనత్ రెడ్డి పిలుపునిచ్చారు.

​పెద్దపల్లి జిల్లా ఓదెల మండల కేంద్రంలో సదాశయ ఫౌండేషన్ ఆధ్వర్యంలో ఆదివారం ప్రజలకు ఉచితంగా మట్టి వినాయక ప్రతిమలను పంపిణీ చేశారు. ఈ కార్యక్రమంలో పాల్గొన్న ఎస్సై మాట్లాడుతూ ముఖ్యమైన అంశాలను పంచుకున్నారు:

​పర్యావరణ రక్షణ: ప్లాస్టర్ ఆఫ్ పారిస్ (PoP), రసాయన రంగులతో తయారు చేసే విగ్రహాల వల్ల జలవనరులు తీవ్రంగా కలుషితమవుతాయని ఎస్సై ఆందోళన వ్యక్తం చేశారు.

​చెరువుల స్వచ్ఛత: మట్టి విగ్రహాలు నీటిలో త్వరగా కరిగిపోవడం వల్ల వాగులు, చెరువులు, కుంటలు స్వచ్ఛంగా ఉంటాయని తెలిపారు.

​ఫౌండేషన్ సేవలు అభినందనీయం: ఇంటింటా, వాడవాడలా మట్టి గణపతుల వినియోగంపై ప్రజల్లో చైతన్యం తెస్తున్న సదాశయ ఫౌండేషన్ సభ్యుల కృషిని ఆయన ప్రత్యేకంగా అభినందించారు.

​ఈ కార్యక్రమంలో సదాశయ ఫౌండేషన్ జాతీయ కార్యదర్శి మెరుగు భీష్మాచారి, మాజీ సర్పంచ్ ఆకుల మహేందర్, ఫౌండేషన్ సభ్యులు ఇప్పనపల్లి వెంకటేశ్వర్లు, క్యాతం వెంకటేశ్వర్లు, మెరుగు సారంగం, క్యాతం మల్లేశం, అల్లం సతీష్, వేణు తదితరులు పాల్గొన్నారు.