Metpally: చెట్టును ఢీకొట్టిన ఆర్టీసీ ఎలక్ట్రిక్ బస్సు!

Metpally: జగిత్యాల జిల్లా మెట్‌పల్లిలో తెల్లవారుజామున రోడ్డు ప్రమాదం జరిగింది. నిజామాబాద్ నుంచి వరంగల్ వైపు వెళ్తున్న వరంగల్ 2 డిపోకు చెందిన ఆర్టీసీ ఎలక్ట్రిక్ బస్సు అదుపుతప్పి రహదారి పక్కనే ఉన్న చెట్టును బలంగా ఢీకొట్టింది.

ప్రమాద సమయంలో బస్సులో 12 మంది ప్రయాణికులు ఉన్నారు. ఈ దుర్ఘటనలో ఎనిమిది మంది తీవ్రంగా గాయపడ్డారు. ప్రమాదాన్ని గమనించిన స్థానికులు వెంటనే స్పందించి, క్షతగాత్రులను మెట్‌పల్లి ప్రభుత్వ ఆసుపత్రికి తరలించారు.

అయితే దెబ్బలు తీవ్రంగా ఉండటంతో ఆరుగురి పరిస్థితి విషమంగా భావించి, మెరుగైన వైద్యం కోసం జగిత్యాల ప్రభుత్వ ఆసుపత్రికి రిఫర్ చేశారు. మరో ఇద్దరికి స్వల్ప గాయాలు కావడంతో మెట్‌పల్లి ఆసుపత్రిలోనే చికిత్స అందిస్తున్నారు.

సమాచారం అందుకున్న పోలీసులు, మున్సిపల్ సిబ్బంది వెంటనే ఘటనా స్థలానికి చేరుకుని సహాయక చర్యలు చేపట్టారు. తెల్లవారుజామున డ్రైవర్ నిద్రమత్తులోకి జారడమే ఈ ప్రమాదానికి ప్రధాన కారణమని పోలీసులు ప్రాథమికంగా భావిస్తున్నారు. కేసు నమోదు చేసుకున్న పోలీసులు దర్యాప్తు వేగవంతం చేశారు.

వరంగల్ 2 డిపోకు చెందిన ఆర్టీసీ ఎలక్ట్రిక్ బస్సు రోజువారీ సర్వీస్‌లో భాగంగా నిజామాబాద్ నుంచి వరంగల్‌కు బయలుదేరింది. తెల్లవారుజామున బస్సు మెట్‌పల్లి ప్రాంతానికి చేరుకోగానే ఒక్కసారిగా అదుపుతప్పి రోడ్డు పక్కన ఉన్న పెద్ద చెట్టును ఢీకొట్టింది. ప్రమాద ధాటికి బస్సు ముందు భాగం తీవ్రంగా దెబ్బతింది. లోపల ఉన్న ప్రయాణికులు భయంతో కేకలు వేశారు.

ఆర్టీసీ బస్సులో మొత్తం 12 మంది ప్రయాణిస్తుండగా, వారిలో 8 మందికి తీవ్ర గాయాలయ్యాయి. సంఘటనా స్థలానికి చేరుకున్న పోలీసులు, స్థానికుల సహాయంతో క్షతగాత్రులను బయటకు తీసి చికిత్స నిమిత్తం ఆస్పత్రికి తరలించారు. ఈ ఘటనపై పోలీసులు విచారణ జరుపుతున్నారు.