Siricilla: సిరిసిల్లలో కాంగ్రెస్ పార్టీని బలోపేతం చేయాలి.. సూర దేవరాజు!

Siricilla: సిరిసిల్ల పట్టణంలో కాంగ్రెస్ పార్టీని బలోపేతం చేసేందుకు వార్డు స్థాయి నుంచి కార్యకర్తలు సమన్వయంతో పనిచేయాలని పట్టణ కాంగ్రెస్ అధ్యక్షులు సూర దేవరాజు పిలుపునిచ్చారు. సిరిసిల్ల పట్టణంలోని 39 వార్డులకు చెందిన వార్డు అధ్యక్షులు, పట్టణ కార్యవర్గం, బీఎల్ఏలతో జిల్లా కాంగ్రెస్ పార్టీ కార్యాలయంలో సమావేశం నిర్వహించారు.

ఈ సందర్భంగా సూర దేవరాజు మాట్లాడుతూ.. కాంగ్రెస్ పార్టీకి వార్డు అధ్యక్షులు, బూత్ లెవల్ ఏజెంట్లు కీలకమని అన్నారు. రాబోయే ఎన్నికల్లో రాహుల్ గాంధీని ప్రధానమంత్రిని చేయడంతో పాటు రాష్ట్రంలో కాంగ్రెస్ పార్టీని మరోసారి అధికారంలోకి తీసుకురావాలంటే బూత్ స్థాయి నుంచే పార్టీని మరింత బలోపేతం చేయాల్సిన అవసరం ఉందన్నారు.

ప్రస్తుతం కొనసాగుతున్న ఎస్‌ఐఆర్ ఓటర్ల జాబితా సవరణ ప్రక్రియపై కూడా వార్డు అధ్యక్షులు ప్రత్యేక దృష్టి సారించాలని సూచించారు. అక్టోబర్ 7, 2026 వరకు గడువు ఉన్నందున నోటీసులు అందుకున్న ఓటర్లు సంబంధిత ఫారాలను సమర్పించారా లేదా అనే విషయాన్ని ప్రతి వార్డు అధ్యక్షుడు పరిశీలించాలని తెలిపారు. సిరిసిల్ల పట్టణంలోని ప్రతి పోలింగ్ బూత్‌పై పూర్తి స్థాయిలో పట్టు సాధించి, పార్టీని రెట్టింపు బలోపేతం చేసే బాధ్యత ప్రతి ఒక్కరిపై ఉందన్నారు.

ఇటీవల బీఆర్‌ఎస్, బీజేపీ నాయకులపై విమర్శలు చేసిన సూర దేవరాజు.. దళితులను అవమానించే విధంగా వ్యవహరించిన వారికి ప్రజలు తగిన సమాధానం చెప్పాలని అన్నారు. దళిత నాయకత్వానికి కాంగ్రెస్ పార్టీ ప్రాధాన్యత ఇస్తోందని పేర్కొన్నారు.

ఈ సమావేశంలో ఎస్సీ సెల్ రాష్ట్ర ప్రధాన కార్యదర్శి ఆకునూరి బాలరాజు, ప్రధాన కార్యదర్శులు నీలి రవీందర్, నేదూరి లక్ష్మణ్, వెంగళ అశోక్, ఉపాధ్యక్షులు శ్రీరాముల వెంకటేశం, కార్యదర్శి బైరగోని రమేష్, కౌన్సిలర్లు కూరపాటి శ్రీశైలం, నాయకులు వెంగళ లక్ష్మీ నరసయ్య, కంసాల మల్లేశం, మల్యాల నాగరాజ్, వార్డు అధ్యక్షులు ఆడెపు ప్రసాద్, కొమ్ము త్యాగరాజు, పట్టణ కాంగ్రెస్ కమిటీ సభ్యులు, వార్డు అధ్యక్షులు, తదితరులు పాల్గొన్నారు.