Sultanabad: సారా తయారీపై ఉక్కుపాదం.. భారీగా బెల్లం స్వాధీనం

Sultanabad: పెద్దపల్లి డిపిఈఓ మహిపాల్ రెడ్డి, సుల్తానాబాద్ ఎక్సైజ్ సిఐ గురునాథ్ ఆదేశాల మేరకు సోమవారం ఉదయం గర్రెపల్లి గ్రామంలో ఎక్సైజ్ అధికారులు విస్తృత దాడులు నిర్వహించారు. ఈ దాడుల్లో 7 లీటర్ల నాటు సారా, 10 కిలోల బెల్లం, 15 కిలోల పటికను స్వాధీనం చేసుకున్నట్లు ఎక్సైజ్ ఎస్సై చిరంజీవి వెల్లడించారు.

​దాడుల వివరాలు:

గ్రామంలోని పలు గుడుంబా స్థావరాలపై ఆకస్మిక దాడులు చేసిన అధికారులు, సుమారు 400 లీటర్ల బెల్లం పానకాన్ని అక్కడికక్కడే ధ్వంసం చేశారు. అక్రమంగా సారా నిల్వ ఉంచిన ఇద్దరు వ్యక్తులపై కేసులు నమోదు చేసినట్లు అధికారులు తెలిపారు. ఈ దాడుల్లో కరీంనగర్ ఎన్ఫోర్స్మెంట్ ఎస్సై వెంకటేశ్వర రావు, పెద్దపల్లి డిటి ఎఫ్ ఎస్సై పావని తమ బృందాలతో కలిసి పాల్గొన్నారు.

​అధికారుల హెచ్చరిక:

ఈ సందర్భంగా అధికారులు మాట్లాడుతూ.. గ్రామంలో ఎవరైనా గుడుంబా తయారు చేసినా, అమ్మినా లేదా రవాణా చేసినా చట్టరీత్యా కఠిన చర్యలు తీసుకుంటామని హెచ్చరించారు. ప్రజల ఆరోగ్యానికి హాని కలిగించే ఇటువంటి అక్రమ కార్యకలాపాలకు పాల్పడవద్దని సూచించారు.

​ఈ దాడుల్లో హెడ్ కానిస్టేబుల్స్, కానిస్టేబుల్స్ శ్రీకాంత్, నాగేందర్, సుమన్, సురేష్, నాగరాజు, నవీన్, అనిల్, సరోజన, దివ్య, సంగీత తదితరులు పాల్గొన్నారు.