Peddapalli: జాతీయ కరాటే పోటీలలో వశిష్ట విద్యార్థుల ప్రతిభ - స్వర్ణ, రజత పతకాలు!

Peddapalli: హన్మకొండ జిల్లాలో షాడో షోటోకన్ మార్షల్ ఆర్ట్స్ అకాడమీ ఆధ్వర్యంలో ఆదివారం నిర్వహించిన నేషనల్ లెవల్ ఓపెన్ కరాటే చాంపియన్షిప్-2026 పోటీలలో పెద్దపల్లి జిల్లా ఓదెల మండలం పోత్కపల్లి గ్రామానికి చెందిన "వశిష్ట ఇంగ్లీష్ మీడియం స్కూల్" విద్యార్థులు విశేష ప్రతిభ కనబరిచి పతకాలు సాధించారు.

​ఈ పోటీలలో పాఠశాలకు చెందిన 4వ తరగతి విద్యార్థిని కల్వల రితన్య గోల్డ్ మెడల్ సాధించగా, 3వ తరగతి విద్యార్థినులు ఆడెపు ఆద్య, పుల్లూరి దామిని రజత (సిల్వర్) మెడల్స్ కైవసం చేసుకున్నారు.

​జాతీయ స్థాయిలో ప్రతిభ చాటి పాఠశాలకు, గ్రామానికి పేరు ప్రఖ్యాతులు తెచ్చిన విద్యార్థులను ప్రిన్సిపాల్స్ మ్యాడగోని కిషన్, మ్యాడగోని దివ్య, కరాటే మాస్టర్ కొండీళ్ల సదానందం అభినందించి, అభినందన పత్రాలు అందించారు. ఈ కార్యక్రమంలో అధ్యాపకులు కల్వల రమాదేవి, పెండం రాజమల్లు, వల్లంబట్ల శివకుమార్, మహమ్మద్ యాకూబ్, బి. సుజాత, టీ. సుజాత, స్వాతి, స్వరూప, ఆర్తి, కోమల, చంద్రకళ తదితరులు పాల్గొన్నారు.