Sircilla: కొదురుపాక జలాశయం అప్‌డేట్.. గేట్లు అన్నీ బంద్, ఇన్‌ఫ్లో నిల్‌!

రాజన్న సిరిసిల్ల జిల్లా: బోయిన్ పల్లి మండలం కొదురుపాక ఉదయం 6 గంటల సమయానికి జలాశయం నీటిమట్టం +307.26 మీటర్లుగా నమోదైంది. జలాశయం పూర్తి స్థాయి నీటిమట్టం 318 మీటర్లు కాగా, ప్రస్తుతం 27.55 టీఎంసీల సామర్థ్యానికి గాను 7.685 టీఎంసీల నీరు నిల్వ ఉంది. జలాశయానికి ప్రస్తుతం ఎటువంటి ఇన్‌ఫ్లోలు రావడం లేదు. ఎస్‌వైపీ (జీపీఎచ్), ఎస్‌ఆర్‌ఎస్‌పీ, అలాగే మానేరు, మూలవాగు మరియు ఎఫ్‌ఎఫ్‌సీ ఇన్‌లెట్ల ద్వారా కూడా నీటి ప్రవాహం నిలిచిపోయింది. అవుట్‌ఫ్లో పరంగా మొత్తం 140 క్యూసెక్కుల నీరు విడుదల అవుతోంది. ఇందులో ఆవిరీభవనం ద్వారా 95 క్యూసెక్కులు, ఎంబీ ద్వారా 45 క్యూసెక్కుల నీరు బయటకు వెళ్తోంది. ఆర్/ఎస్, ఆర్/జీ, ఆర్‌ఎంసీ, ఎల్‌ఎంసీ, ప్యాకేజీ-9, ప్యాకేజీ-10 మరియు జీసీఎల్ఎస్ ద్వారా ఎటువంటి నీటి విడుదల జరగడం లేదు. జలాశయంలో ప్రస్తుతం స్పిల్‌వే గేట్లు మరియు ఆర్/ఎస్ గేట్లు ఏవీ ఎత్తలేదు. అధికారులు పరిస్థితిని నిరంతరం పర్యవేక్షిస్తున్నట్లు తెలిపారు.