Aswapuram: కల్యాణపురం గ్రామపంచాయతీని సందర్శించిన జిల్లా పంచాయతీ అధికారి

అశ్వాపురం: మండలంలోని కల్యాణపురం గ్రామపంచాయతీని జిల్లా పంచాయతీ అధికారి DPO సందర్శించి గ్రామంలో చేపట్టాల్సిన పారిశుధ్య, పర్యావరణ పరిరక్షణ పనులను పరిశీలించారు. ఈ సందర్భంగా గ్రామంలో నీటి నిల్వలు ఏర్పడకుండా, మురుగునీటిని భూమిలోకి ఇంకించే విధంగా 51 మ్యాజిక్ సోక్ పిట్ల నిర్మాణానికి మాస్ మార్కింగ్ నిర్వహించారు.

అనంతరం గ్రామపంచాయతీ కార్యాలయంలో పంచాయతీకి సంబంధించిన వివిధ రికార్డులను తనిఖీ చేసి, వాటి నిర్వహణ తీరును పరిశీలించారు. గ్రామంలో పారిశుధ్య నిర్వహణ, పర్యావరణ పరిరక్షణకు ఉపయోగపడే చర్యలపై ప్రత్యేక దృష్టి సారించారు.

గ్రామీణ ప్రాంతాల్లో పరిశుభ్రతను మెరుగుపరచడంతో పాటు, నీటి వృథాను అరికట్టి భూగర్భ జలాల పెంపునకు మ్యాజిక్ సోక్ పిట్లు ఎంతగానో దోహదపడనున్నాయి.