Khammam: ఖమ్మంలో ఘనంగా అంతర్జాతీయ వృద్ధుల దినోత్సవం!

ఖమ్మం, అక్టోబర్ 1, 2026: అంతర్జాతీయ వృద్ధుల దినోత్సవం–2026 ను పురస్కరించుకుని ఖమ్మం జిల్లాలోని స్థానిక TTDC భవనం లో ప్రత్యేక కార్యక్రమాన్ని ఘనంగా నిర్వహించారు. జిల్లాలోని అన్ని మండలాల నుంచి సుమారు 400 మంది వృద్ధ మహిళా స్వయం సహాయక సంఘాల సభ్యులు ఈ కార్యక్రమంలో పాల్గొన్నారు.

కార్యక్రమాన్ని గౌరవ DRDO గారు మరియు గౌరవ అడిషనల్ ప్రాజెక్ట్ డైరెక్టర్ గారు ప్రారంభించారు. ఈ సందర్భంగా DRDO గారు మాట్లాడుతూ, వృద్ధుల సంక్షేమం, సామాజిక భద్రత, గౌరవప్రదమైన జీవనం కోసం ప్రభుత్వం అమలు చేస్తున్న వివిధ కార్యక్రమాలపై అవగాహన కల్పించారు. వృద్ధుల అనుభవాలు సమాజానికి ఎంతో విలువైనవని, వారి పట్ల ప్రతి ఒక్కరూ గౌరవం, బాధ్యతతో వ్యవహరించాలని తెలిపారు.

అనంతరం అంతర్జాతీయ వృద్ధుల దినోత్సవాన్ని పురస్కరించుకుని కేక్ కట్ చేసి వృద్ధులతో ఆనందాన్ని పంచుకున్నారు. వృద్ధ మహిళా స్వయం సహాయక సంఘాల సభ్యులను శాలువాలతో సన్మానించి, వారికి గొడుగులను బహుమతులుగా పంపిణీ చేశారు.

ఈ సందర్భంగా వృద్ధ మహిళా స్వయం సహాయక సంఘాల సభ్యులకు వృద్ధుల హక్కులు, ఆరోగ్యం, సామాజిక భద్రత, ప్రభుత్వ సంక్షేమ కార్యక్రమాలు తదితర అంశాలపై అవగాహన కల్పించారు. కార్యక్రమంలో పాల్గొన్న వృద్ధులు తమ జీవిత అనుభవాలను పంచుకుని, తమ కోసం ఇటువంటి కార్యక్రమాలను నిర్వహించడం పట్ల ఆనందం వ్యక్తం చేశారు.

ఈ కార్యక్రమంలో జిల్లా వెల్ఫేర్ ఆఫీసర్ శ్రీమతి ప్రమీల గారు , ICDS అధికారులు, SERP ప్రాజెక్ట్ మేనేజర్ శ్రీ శ్రీనివాసరావు గారు , DPM శ్రీ పోలేపొంగు. ఆంజనేయులు గారు , APM శ్రీమతి Y. పద్మలత గారు, CC శ్రీ K. వీరభద్రం గారు, CO శ్రీ V. నవీన్ గారు, Admin Assistant శ్రీమతి S. పూర్ణిమ గారు , జిల్లా సమాఖ్య అధ్యక్షులు కుక్కల సంధ్య గారు,కార్యదర్శి విజయ గారు, కోశాధికారి సుమాంజలి గారు ZS మేనేజర్ రత్నాకర్ , CO నాగమణి,అటెండర్ T.మధు మరియు CCS వృద్ధ మహిళా స్వయం సహాయక సంఘాల సభ్యులు పాల్గొన్నారు.

“ వృద్ధుల పట్ల గౌరవం – సమాజం యొక్క బాధ్యత” అనే సందేశంతో అంతర్జాతీయ వృద్ధుల దినోత్సవ కార్యక్రమం విజయవంతంగా ముగిసింది.