Mulakalapalli: ములకలపల్లి మండలంలో 3,535 ఎకరాల్లో పంట నష్టం అంచనా

ములకలపల్లి: తుఫాను ప్రభావంతో కురిసిన భారీ వర్షాలకు ములకలపల్లి మండలంలోని పలు ప్రాంతాల్లో పంట పొలాలు నీట మునిగాయి. ఈ నేపథ్యంలో వ్యవసాయ శాఖ అధికారులు క్షేత్రస్థాయిలో పంట పొలాలను పరిశీలించి ప్రాథమికంగా పంట నష్టాన్ని అంచనా వేశారు.

అధికారుల అంచనా ప్రకారం మండలంలో వరి పంట 1,850 ఎకరాలు, పత్తి 1,500 ఎకరాలు, వేరుశనగ 160 ఎకరాలు, మినుములు 25 ఎకరాల్లో నష్టం జరిగినట్లు గుర్తించారు. మొత్తం 3,535 ఎకరాల్లో పంట నష్టం జరిగినట్లు ప్రాథమికంగా అంచనా వేశారు.

రేపటి నుంచి వ్యవసాయ శాఖ అధికారులు క్షేత్రస్థాయిలో పంట పొలాలను పరిశీలించనున్నట్లు మండల వ్యవసాయ అధికారి తెలిపారు. పంట నష్టం జరిగిందని భావించే రైతులు ఆందోళన చెందకుండా తమ సమీపంలోని వ్యవసాయ విస్తరణ అధికారికి సమాచారం అందించాలని సూచించారు. రైతుల నుంచి వచ్చే సమాచారాన్ని పరిశీలించి పంట నష్టాన్ని నమోదు చేసే ప్రక్రియ చేపట్టనున్నట్లు పేర్కొన్నారు.