Palwancha: కేఎల్ఆర్ ఇంజినీరింగ్ కాలేజీలో ఘనంగా గ్రాడ్యుయేషన్ డే–2026 వేడుకలు

పాల్వంచ: ఇంజనీర్స్ డే సందర్భంగా పాల్వంచలోని కేఎల్ఆర్ కాలేజ్ ఆఫ్ ఇంజినీరింగ్ అండ్ టెక్నాలజీలో గ్రాడ్యుయేషన్ డే–2026 వేడుకలను మంగళవారం ఘనంగా నిర్వహించారు.

కళాశాలలో విద్యాభ్యాసాన్ని విజయవంతంగా పూర్తి చేసుకున్న 2026 గ్రాడ్యుయేటింగ్ బ్యాచ్ విద్యార్థుల విజయాలను అభినందించేందుకు ఈ కార్యక్రమాన్ని నిర్వహించారు. విద్యార్థుల విద్యా ప్రయాణంలో సాధించిన విజయాలను గుర్తించి అభినందించడంతో పాటు, వారి భవిష్యత్ ప్రస్థానానికి శుభాకాంక్షలు తెలియజేయడం కార్యక్రమం ప్రధాన ఉద్దేశ్యమని నిర్వాహకులు తెలిపారు.

కార్యక్రమానికి భద్రాద్రి కొత్తగూడెం జిల్లా సూపరింటెండెంట్ ఆఫ్ పోలీస్ బి. రోహిత్ రాజు, ఐపీఎస్ ముఖ్య అతిథిగా హాజరై గ్రాడ్యుయేటింగ్ విద్యార్థులను ఉద్దేశించి ప్రసంగించారు. విద్యార్థులు తమ విద్యా నైపుణ్యాలను సమాజ అభివృద్ధికి వినియోగిస్తూ ఉన్నత లక్ష్యాలను సాధించాలని ఆయన సూచించారు.

ఈ కార్యక్రమంలో కళాశాల చైర్‌పర్సన్ కె. నాగమణి, సెక్రటరీ కె. సిద్ధార్థ రెడ్డి, ప్రిన్సిపాల్ డా. కె. రాజేంద్రప్రసాద్, డైరెక్టర్ డా. టి. అనిల్ కుమార్, మురళి ప్రసాద్, వివిధ విభాగాధిపతులు, అధ్యాపకులు, సిబ్బంది, విద్యార్థులు, తల్లిదండ్రులు తదితరులు పాల్గొని గ్రాడ్యుయేట్లను అభినందించారు.

విద్యార్థుల విజయాలను ఘనంగా సెలబ్రేట్ చేస్తూ, వారి కొత్త జీవిత ప్రస్థానానికి నాంది పలికేలా గ్రాడ్యుయేషన్ డే–2026ను నిర్వహించినట్లు కళాశాల యాజమాన్యం పేర్కొంది.