Tadigadapa: తాడిగడప మున్సిపల్ కాంగ్రెస్ అభ్యర్థిగా అబ్దుల్ హమీద్ నామినేషన్!

Tadigadapa: కృష్ణా జిల్లా తాడిగడప మున్సిపాలిటీ కాంగ్రెస్ చైర్మన్ అభ్యర్థిగా అబ్దుల్ హమీద్ సోమవారం నామినేషన్ దాఖలు చేశారు. పార్టీ బలోపేతానికి ఐక్యంగా కృషి చేస్తామని నేతలు తెలిపారు.

Ramana, Penamaluru
Published on: 16 Nov 2026 3:34 PM IST
Tadigadapa
X

Tadigadapa: తాడిగడప మున్సిపల్ కాంగ్రెస్ అభ్యర్థిగా అబ్దుల్ హమీద్ నామినేషన్!

తాడిగడప: తాడిగడప మున్సిపాలిటీ రాజకీయాల్లో కాంగ్రెస్ పార్టీ తమ సత్తా చాటేందుకు సమాయత్తమవుతోంది. మున్సిపాలిటీ చైర్మన్ అభ్యర్థిగా అబ్దుల్ హమీద్ నామినేషన్ దాఖలు చేయడంతో కాంగ్రెస్ శ్రేణుల్లో నూతన ఉత్సాహం నెలకొంది. పార్టీ విజయమే లక్ష్యంగా నాయకులు, కార్యకర్తలు సమష్టిగా ముందుకు సాగాలని ఈ సందర్భంగా పిలుపునిచ్చారు.

రాబోయే రోజుల్లో రాహుల్ గాంధీ నాయకత్వంలో కేంద్రంలో కాంగ్రెస్ ప్రభుత్వం ఏర్పాటు కావడం ఖాయమనే ఆశాభావాన్ని కాంగ్రెస్ నాయకులు వ్యక్తం చేశారు. దేశవ్యాప్తంగా కాంగ్రెస్ పార్టీకి ప్రజాదరణ పెరుగుతోందని, అదే స్ఫూర్తితో తాడిగడప ప్రాంతంలోనూ పార్టీని మరింత బలోపేతం చేసి ప్రజల ఆదరణ పొందేందుకు కృషి చేస్తామని స్పష్టం చేశారు.

పదవుల కోసం కాదు.. ప్రజల కోసం పోరాటం! అనే నినాదంతో కాంగ్రెస్ పార్టీ సిద్ధాంతాలను ప్రతి గడపకూ తీసుకెళ్తామని నాయకులు పేర్కొన్నారు. ప్రజలు ఎదుర్కొంటున్న సమస్యలపై నిరంతరం పోరాడుతూ, ప్రజలకు అండగా నిలవడమే తమ ప్రధాన లక్ష్యమని తెలిపారు.

నాయకుల మధ్య ఐక్యత, కార్యకర్తల కృషి, ప్రజల మద్దతుతో తాడిగడపలో కాంగ్రెస్ పార్టీకి పూర్వవైభవం తీసుకొస్తామని ధీమా వ్యక్తం చేశారు. వ్యక్తిగత విభేదాలకు తావులేకుండా పార్టీ ప్రయోజనాలే పరమావధిగా అందరూ కలిసికట్టుగా పనిచేస్తామని స్పష్టం చేశారు. తాడిగడపలో కాంగ్రెస్ బలోపేతమే లక్ష్యం.. ప్రజల విశ్వాసమే మా బలం.. పార్టీ విజయమే మా సంకల్పం! అని కాంగ్రెస్ నాయకులు పునరుద్ఘాటించారు.

Ramana, Penamaluru

Ramana, Penamaluru