Uyyuru: ప్రెస్‌క్లబ్‌లో జనసేన నేత చిన కోటయ్య నాయుడు జన్మదిన వేడుకలు
Uyyuru: ఉయ్యూరు ప్రెస్‌క్లబ్‌లో జనసేన నాయుడు చిన కోటయ్య నాయుడు జన్మదిన వేడుకలు ఘనంగా జరిగాయి. స్థానిక సంస్థల ఎన్నికలకు శ్రేణులు సిద్ధం కావాలని పిలుపు.
Uyyuru: ప్రెస్‌క్లబ్‌లో జనసేన నేత చిన కోటయ్య నాయుడు జన్మదిన వేడుకలు
ఉయ్యూరు: కృష్ణా జిల్లా ఉయ్యూరు పట్టణ జనసేన నాయకుడు మేరుగ చిన్న కోటయ్య నాయుడు జన్మదిన వేడుకలు ఉయ్యూరు ప్రెస్‌క్లబ్‌లో గురువారం ఘనంగా నిర్వహించారు. పెనమలూరు నియోజకవర్గ విలేకరుల సంఘం, పాత్రికేయ మిత్రుల ఆధ్వర్యంలో జరిగిన ఈ కార్యక్రమంలో పలువురు జనసేన నాయకులు, స్థానిక జర్నలిస్టులు పాల్గొని చిన కోటయ్య నాయుడుకు జన్మదిన శుభాకాంక్షలు తెలిపారు.
ఈ సందర్భంగా జనసేన నాయకులు మాట్లాడుతూ రాబోయే మున్సిపల్, స్థానిక సంస్థల ఎన్నికలకు పార్టీ శ్రేణులు పూర్తి స్థాయిలో సిద్ధం కావాలని పిలుపునిచ్చారు. కూటమి ధర్మానికి కట్టుబడి పనిచేస్తూనే ఉయ్యూరులో జనసేన పార్టీ తన బలాన్ని మరింత పెంచుకునేందుకు కృషి చేస్తుందని తెలిపారు. ఎన్నికల్లో ప్రజల ఆశీస్సులు, సహకారం కోరారు.
అనంతరం చిన కోటయ్య నాయుడు మాట్లాడుతూ తన జన్మదినాన్ని పురస్కరించుకుని ప్రత్యేక కార్యక్రమాన్ని ఏర్పాటు చేసి శుభాకాంక్షలు తెలిపిన పాత్రికేయ మిత్రులకు కృతజ్ఞతలు తెలిపారు. కూటమి ప్రభుత్వం చేపడుతున్న సంక్షేమ, అభివృద్ధి కార్యక్రమాలను ప్రజల్లోకి తీసుకెళ్లడంలో మీడియా కీలక పాత్ర పోషిస్తోందని పేర్కొన్నారు. రాబోయే ఎన్నికల ప్రక్రియ పూర్తయ్యే వరకు మీడియా మిత్రుల సహకారం కొనసాగించాలని కోరారు. కార్యక్రమంలో పెనమలూరు నియోజకవర్గ విలేకరులు, స్థానిక జర్నలిస్టులు, జనసేన నాయకులు, కార్యకర్తలు పాల్గొన్నారు.
