Vuyyuru: ఉయ్యూరులో త్వరలో రక్తదాన శిబిరం జర్నలిస్ట్ ప్రొటెక్షన్ ఫోర్స్ పిలుపు!

ఊయ్యూరు: ఒకరి ప్రాణం కాపాడటం కంటే గొప్ప సేవ మరొకటి లేదు. రక్తదానం మహాదానం అనే నినాదంతో జర్నలిస్ట్ ప్రొటెక్షన్ ఫోర్స్ (JPF) ఆధ్వర్యంలోని మీడియా హౌస్ తరపున ఊయ్యూరులో త్వరలో రక్తదాన శిబిరం నిర్వహించేందుకు సన్నాహాలు చేస్తున్నారు.

రక్తం అవసరమైన సమయంలో సరైన సమయంలో రక్తం అందక ఎన్నో ప్రాణాలు ప్రమాదంలో పడుతున్నాయి. ఇలాంటి పరిస్థితుల్లో రక్తదానంపై ప్రజల్లో అవగాహన పెంపొందించడం, ఆపదలో ఉన్న రోగులకు సహాయం అందించాలనే లక్ష్యంతో ఈ కార్యక్రమాన్ని చేపట్టనున్నారు.

JPF ప్రతినిధులు, జర్నలిస్టులు, యువత, స్వచ్ఛంద సేవకులు ఈ రక్తదాన శిబిరంలో భాగస్వాములు కావాలని నిర్వాహకులు ఆకాంక్షిస్తున్నారు. రక్తదానం చేయడానికి అర్హులైన ప్రతి ఒక్కరూ ముందుకు వచ్చి ఈ సేవా కార్యక్రమాన్ని విజయవంతం చేయాలని పిలుపునిస్తున్నారు.

రక్తదానం చేద్దాం.. ప్రాణదాతలుగా నిలుద్దాం! శిబిరానికి సంబంధించిన పూర్తి తేదీ, సమయం, వేదిక వివరాలను త్వరలో వెల్లడించనున్నారు. JPF మీడియా హౌస్ — ప్రజా సేవలో మరో ముందడుగు.