Alur: టీడీపీ అభ్యర్థుల జోరుగా ఇంటింటి ఎన్నికల ప్రచారం!

ఆలూరు: కర్నూలు జిల్లా ఆలూరు మండలం మొలగవల్లి గ్రామంలో స్థానిక సంస్థల ఎన్నికల నేపథ్యంలో తెలుగుదేశం పార్టీ అభ్యర్థులు జోరుగా ఇంటింటి ప్రచారం నిర్వహించారు. ఆలూరు టీడీపీ ఇన్‌చార్జ్ వైకుంఠం జ్యోతి ప్రచార కార్యక్రమంలో పాల్గొని పార్టీ అభ్యర్థులకు మద్దతుగా గ్రామ ప్రజలను కలిశారు.

ఈ కార్యక్రమంలో మొలగవల్లి గ్రామానికి చెందిన ఎంపీటీసీ-1 అభ్యర్థి చిలుక మాణిక్య, ఎంపీటీసీ-2 అభ్యర్థి మలుప్ప జ్యోతి, జడ్పీటీసీ అభ్యర్థి కొమ్మి రామాంజనేయులు పాల్గొని ఇంటింటికీ వెళ్లి ప్రజలను కలుసుకున్నారు. ఎన్నికల్లో తమ పార్టీ అభ్యర్థులకు మద్దతు తెలిపి గెలిపించాలని కోరుతూ ప్రచారం నిర్వహించారు.

గ్రామంలో టీడీపీ అభ్యర్థులకు మద్దతుగా నాయకులు, కార్యకర్తలు ప్రచారంలో పాల్గొని ప్రజలను కలిసి ఓట్లు అభ్యర్థించారు. స్థానిక సంస్థల ఎన్నికల నేపథ్యంలో మొలగవల్లిలో టీడీపీ ప్రచారం కొనసాగింది. ఈ కార్యక్రమంలో టీడీపీ నాయకులు, కార్యకర్తలు పాల్గొన్నారు.