Kurnool: జిల్లా లయన్స్ క్లబ్ వైస్ ప్రెసిడెంట్‌‌గా డా. నాగస్వామి నాయక్!

Kurnool: కర్నూలు జిల్లాకు సంబంధించిన ఇంటర్నేషనల్ లయన్స్ క్లబ్ వైస్ ప్రెసిడెంట్‌గా ప్రభుత్వ వృత్తి విద్య జూనియర్ కళాశాల (Government Vocational Junior College), బి.క్యాంప్, కర్నూలు కళాశాల ప్రిన్సిపాల్ మరియు NSS ప్రోగ్రాం ఆఫీసర్ డా. ఎస్. నాగస్వామి నాయక్ ఎంపికయ్యారు.

విద్యారంగంతో పాటు సామాజిక సేవా కార్యక్రమాల్లో చురుకుగా పాల్గొంటూ, విద్యార్థుల అభివృద్ధి, సేవా కార్యక్రమాలు, ఆరోగ్య అవగాహన, సామాజిక చైతన్యం వంటి కార్యక్రమాలను నిర్వహిస్తున్న డా. నాగస్వామి నాయక్‌కు లయన్స్ క్లబ్‌లో కీలక బాధ్యత లభించడం పట్ల కళాశాల సిబ్బంది, విద్యార్థులు హర్షం వ్యక్తం చేశారు.

లయన్స్ క్లబ్ అంతర్జాతీయ స్థాయిలో సేవా కార్యక్రమాలను నిర్వహిస్తూ, సమాజంలోని వివిధ వర్గాలకు సేవలను అందిస్తోంది.

డా. నాగస్వామి నాయక్ మాట్లాడుతూ, తనకు అప్పగించిన బాధ్యతను సమర్థవంతంగా నిర్వహిస్తూ కర్నూలు జిల్లాలో సేవా కార్యక్రమాలను మరింత విస్తృతంగా చేపట్టేందుకు కృషి చేస్తానని తెలిపారు. విద్యార్థులు, యువతను సేవా కార్యక్రమాల్లో భాగస్వాములను చేసి సమాజానికి ఉపయోగపడే కార్యక్రమాలను నిర్వహించడమే తన లక్ష్యమని పేర్కొన్నారు.

ఈ సందర్భంగా కళాశాల ప్రిన్సిపాల్ మరియు NSS P.O. డా. ఎస్. నాగస్వామి నాయక్ను కళాశాల సిబ్బంది అభినందించారు.