Kurnool: దేవనకొండలో ఎన్నికల పరిశీలకుడు అనిల్ కుమార్ రెడ్డి పర్యటన!
Kurnool: కర్నూలు జిల్లా దేవనకొండ మండలంలో నామినేషన్ల స్వీకరణ ప్రక్రియను జిల్లా ఎన్నికల పరిశీలకులు అనిల్ కుమార్ రెడ్డి, ఐఏఎస్ పరిశీలించి అధికారులకు కీలక సూచనలు చేశారు.
Kurnool: దేవనకొండలో ఎన్నికల పరిశీలకుడు అనిల్ కుమార్ రెడ్డి పర్యటన!
కర్నూలు: కర్నూలు జిల్లా దేవనకొండ మండలాన్ని ఈరోజు జిల్లా ఎన్నికల పరిశీలకులు (డిస్ట్రిక్ట్ ఎలక్షన్ అబ్జర్వర్) అనిల్ కుమార్ రెడ్డి, ఐఏఎస్ సందర్శించారు. ఈ సందర్భంగా మండలంలో జరుగుతున్న నామినేషన్ల ప్రక్రియను ఆయన పరిశీలించి, ఎన్నికల నిర్వహణకు సంబంధించి ఎలాంటి సమస్యలు ఎదురవుతున్నాయా అని అధికారులను అడిగి తెలుసుకున్నారు.
రిటర్నింగ్ ఆఫీసర్ ఆర్.ఎల్. ప్రకాశ్‌తో పాటు ఎంపీడీఓను ఎన్నికల నిర్వహణ, నామినేషన్ల స్వీకరణ, ప్రక్రియ సజావుగా సాగుతున్న తీరుపై వివరాలు అడిగి తెలుసుకున్నారు. ఎన్నికలకు సంబంధించిన అన్ని అంశాలపై అధికారులతో చర్చించి పరిస్థితిని సమీక్షించారు.
ఎన్నికల ప్రక్రియ పారదర్శకంగా, నిబంధనలకు అనుగుణంగా జరిగేలా తీసుకుంటున్న చర్యలపై వివరాలు సేకరించారు. నామినేషన్ల ప్రక్రియను ఎన్నికల నిబంధనల ప్రకారం నిర్వహిస్తూ, అభ్యర్థులకు ఎలాంటి ఇబ్బందులు కలగకుండా అవసరమైన చర్యలు చేపట్టాలని అధికారులకు సూచించినట్లు సమాచారం.
