Nandyal: నంద్యాలలో బీజేపీ పవర్.. వందల మందితో భారీ చేరికలు!

నంద్యాల జిల్లా: నంద్యాల జిల్లా కేంద్రంలో భారతీయ జనతా పార్టీ (బీజేపీ) బలోపేతం దిశగా చేరికల పర్వం జోరుగా కొనసాగుతోంది. పట్టణంలోని క్రాంతినగర్ ప్రాంతానికి చెందిన రుషికేశవ రెడ్డి, తన అనుచరులు మరియు సన్నిహితులతో కలిసి ఆదివారం బీజేపీలో చేరారు. జిల్లా అధ్యక్షుడు అభిరుచి మధు సమక్షంలో వారికి పార్టీ కండువాలు కప్పి సాదరంగా ఆహ్వానించారు.

ఈ సందర్భంగా బొమ్మలసత్రం, క్రాంతినగర్ ప్రాంతాల్లో పార్టీ జెండాలను ఆవిష్కరించారు. అనంతరం సీనియర్ నాయకులు మరియు కార్యకర్తలతో కలిసి సుమారు 400 మంది క్రాంతినగర్ వార్డులో ఇంటింటి పర్యటన నిర్వహించారు. స్థానిక ప్రజలతో నేరుగా మాట్లాడి సమస్యలను తెలుసుకున్నారు.

ఈ సందర్భంగా అభిరుచి మధు మాట్లాడుతూ, “కార్యకర్తలే పార్టీకి బలం. పార్టీ సిద్ధాంతాలకు ఆకర్షితులై యువత, సీనియర్ నాయకులు పెద్ద సంఖ్యలో చేరడం శుభపరిణామం. నంద్యాల జిల్లా ప్రతి గల్లీలో పార్టీని బలోపేతం చేస్తూ, స్థానిక సంస్థల ఎన్నికల్లో సత్తా చాటడమే మా లక్ష్యం” అని తెలిపారు.

రుషికేశవ రెడ్డితో పాటు వెంకటేశ్వర రెడ్డి, దత్తన్న, సంపత్ కుమార్ రెడ్డి, శ్రీనివాస్, జనార్దన్ రెడ్డి, ఆంజనేయులు, పెద్దయ్య, సాయి, రోహిత్, సుమంత్, జితేంద్ర, వెంకట్ రెడ్డి తదితరులు కలిపి సుమారు 300 మంది బీజేపీలో చేరారు.

ఈ కార్యక్రమంలో జిల్లా, పట్టణ కమిటీ నాయకులు, సీనియర్ నేతలు మరియు పెద్ద సంఖ్యలో కార్యకర్తలు పాల్గొన్నారు.