Duvvuru: దువ్వూరు మండలంలో గురువారం నుంచి సామాజిక పింఛన్ల పంపిణీ!

Duvvuru: రాష్ట్ర ప్రభుత్వ ఆదేశాల మేరకు గురువారం దువ్వూరు మండలవ్యాప్తంగా సామాజిక పింఛన్ల పంపిణీ కార్యక్రమం చేపట్టనున్నట్లు మండల పరిషత్ అభివృద్ధి అధికారి (ఎంపీడీవో) జవహర్‌బాబు తెలిపారు. బుధవారం స్థానిక ఎంపీడీవో కార్యాలయంలో ఆయన మీడియాతో మాట్లాడారు.

​మండల పరిధిలోని 15 గ్రామ సచివాలయాల పరిధిలో మొత్తం 6,973 మంది లబ్ధిదారులకు ₹2,99,05,000 (రెండు కోట్ల 99 లక్షల 5 వేల రూపాయలు) పంపిణీ చేయనున్నట్లు ఆయన పేర్కొన్నారు. ఇందులో వృద్ధులు, దివ్యాంగులు, వితంతువులు తదితర లబ్ధిదారులు ఉన్నారు.

​ఈ పంపిణీ ప్రక్రియ కోసం 126 మంది సచివాలయ సిబ్బందిని నియమించామని, గురువారం ఉదయం 7 గంటల నుంచే నేరుగా లబ్ధిదారుల ఇళ్ల వద్దకే వెళ్లి నగదు అందజేస్తారని ఆయన స్పష్టం చేశారు. పింఛన్‌దారులు ఎక్కడికీ వెళ్లకుండా తమ ఇళ్ల వద్దనే ఉండి పింఛన్ మొత్తాన్ని స్వీకరించాలని ఎంపీడీవో సూచించారు.