Srisailam: భక్తుల రద్దీ దృష్ట్యా భక్తులందరికీ స్వామి వారి అలంకార దర్శనానికి అనుమతి!

Srisailam: కార్తీక మాసం మొదటి సోమవారం సందర్భంగా నంద్యాల జిల్లా శ్రీశైల మహాక్షేత్రానికి భక్తులు పోటెత్తారు. నిన్న 48,557 మంది భక్తులు స్వామి, అమ్మవార్లను దర్శించుకున్నారు.

P NAGESWARA RAO, SRISAILAM
Published on: 16 Nov 2026 11:19 AM IST
Srisailam
X

Srisailam: భక్తుల రద్దీ దృష్ట్యా భక్తులందరికీ స్వామి వారి అలంకార దర్శనానికి అనుమతి!

శ్రీశైలం: శ్రీశైలంలో కార్తీక సోమవారం మల్లికార్జునస్వామికి ప్రీతికరమైన రోజు కావడంతో ముక్కంటి క్షేత్రం భక్తులతో కిక్కిరిసింది నిన్న స్వామి అమ్మవార్లను 48,557 మంది భక్తులు దర్శించుకున్నారని తెలిపిన ఆలయ చైర్మన్ పోతుకుంట రమేష్ నాయుడు, ఈఓ శ్రీనివాసరావు తెలిపారు శ్రీ భ్రమరాంబ మల్లికార్జునస్వామి అమ్మవార్ల దర్శనానికి భక్తులు వేలాదిగా తరలివచ్చారు.

శ్రీ స్వామి అమ్మవారి దర్శనానికి సుమారు 3 గంటల సమయం పడుతుంది భక్తులు తెల్లవారుజాము నుండే పాతాళగంగలో పుణ్యస్నానాలు ఆచరించి కార్తీక దీపాలను వెలిగించి మొక్కులు తీర్చుకుంటున్నారు అలానే ఆలయం ముందు భాగంలో గల గంగాధర మండపం వద్ద, ఉత్తర శివమాడవీధిలో భక్తులు కార్తీక దీపాలను వెలిగించి కార్తీక నోములు నోచుకుంటున్నారు.

కార్తీకమాసంలో భక్తుల రద్దీ అధికంగా ఉండటంతో ఇప్పటికే శని, అది, సోమవారాలలో స్పర్శ దర్శనం, సామూహిక, గర్భాలయా అభిషేకాలు మాసంతం నిలుపుదల చేశారు అలానే మంగళవారం నుండి శుక్రవారం వరకు మాత్రమే రోజుకు మూడు విడతలుగా స్పర్శ దర్శనానికి అనుమతిస్తామని ఆలయ చైర్మన్ పోతుగుంట రమేష్ నాయుడు, ఈఓ శ్రీనివాసరావు తెలిపారు.

నేడు సోమవారం కావడంతో రద్దీ దృష్ట్యా భక్తులందరికి శ్రీస్వామివారి అలంకార దర్శనం మాత్రమే కల్పిస్తున్నట్లు, చైర్మన్, ఈఓ తెలిపారు. నేటి సాయంత్రం కార్తీక మొదటి సోమవారం పురస్కరించుకుని ప్రధానాలయం ఈశాన్య భాగంలో ఉన్న ఆలయ పుష్కరిణి వద్ద దేవస్థానం లక్షదీపోత్సవం, పుష్కరిణి హారతి నిర్వహించనున్నారు.

P NAGESWARA RAO, SRISAILAM

P NAGESWARA RAO, SRISAILAM