Dhone: రాష్ట్రస్థాయి ఒంగోలు జాతి ఎడ్ల బల ప్రదర్శనలో యనమలకుదురు జత విజయం

Dhone: కర్నూలు జిల్లా డోన్ మండలం పెద్దోడ్డి గ్రామంలో నిర్వహించిన ఆంధ్రప్రదేశ్ న్యూ కేటగిరి రాష్ట్రస్థాయి ఒంగోలు జాతి ఎడ్ల బల ప్రదర్శనలో కృష్ణాజిల్లా తడిగడప మున్సిపాలిటీ పరిధిలోని యనమలకుదురు గ్రామానికి చెందిన ఒంగోలు జాతి ఎడ్ల జత సత్తా చాటింది. ప్రతిష్ఠాత్మకంగా జరిగిన ఈ పోటీలో ప్రథమ స్థానాన్ని కైవసం చేసుకుని విజేతగా నిలిచింది.

రాష్ట్రంలోని వివిధ ప్రాంతాల నుంచి పాల్గొన్న ఎడ్ల జతలతో పోటీపడిన యనమలకుదురు ఎడ్ల జత తన బలం, వేగం, సామర్థ్యాన్ని ప్రదర్శించి అగ్రస్థానాన్ని దక్కించుకుంది. పోటీని తిలకించిన పశుప్రేమికులు, అభిమానులు ఎడ్ల జత ప్రతిభను ప్రశంసించారు.

ఈ ఘన విజయానికి శ్రీ రామలింగేశ్వర స్వామి ఆశీస్సులే కారణమని ఎడ్ల యజమాని అనంతనేని చంద్రశేఖర్ అజాద్ పేర్కొన్నారు. ఒంగోలు జాతి పశువుల పెంపకం, సంరక్షణపై ఆయనకున్న ఆసక్తి, శ్రద్ధకు ఈ విజయం నిదర్శనంగా నిలిచింది.

యనమలకుదురు గ్రామానికి చెందిన ఎడ్ల జత రాష్ట్రస్థాయి పోటీలో ప్రథమ స్థానంలో నిలవడంతో గ్రామస్థులు, పశుప్రేమికులు ఆనందం వ్యక్తం చేస్తున్నారు. కృష్ణాజిల్లా యనమలకుదురు పేరు రాష్ట్రస్థాయి వేదికపై మారుమోగేలా చేసిన ఎడ్ల జతకు అభినందనలు వెల్లువెత్తుతున్నాయి.