Alur: ఆలూరు ఎమ్మెల్యే విరుపాక్షి కుటుంబానికి వైఎస్ జగన్ భరోసా!

ఆలూరు: కర్నూలు జిల్లా ఆలూరు నియోజకవర్గ ఎమ్మెల్యే బుసినే విరుపాక్షి కుటుంబ సభ్యులకు వైఎస్సార్ కాంగ్రెస్ పార్టీ అధ్యక్షుడు, మాజీ ముఖ్యమంత్రి వైఎస్ జగన్మోహన్ రెడ్డి ధైర్యం చెప్పారు. రాజకీయంగా ఎన్ని ఇబ్బందులు ఎదురైనా అధైర్యపడవద్దని, పార్టీ అన్ని విధాలుగా అండగా ఉంటుందని భరోసా ఇచ్చారు.

తాడేపల్లిలోని వైఎస్సార్ కాంగ్రెస్ పార్టీ కేంద్ర కార్యాలయంలో ఎమ్మెల్యే బుసినే విరుపాక్షి కుటుంబ సభ్యులు వైఎస్ జగన్మోహన్ రెడ్డిని మర్యాదపూర్వకంగా కలిశారు.

ఈ సందర్భంగా ఎమ్మెల్యే విరుపాక్షితో మాట్లాడిన వైఎస్ జగన్, ఆయన ఎదుర్కొన్న పరిణామాలు, ప్రస్తుత పరిస్థితుల గురించి వివరాలు తెలుసుకున్నారు. అక్రమ కేసులో అరెస్టై సుమారు 70 రోజుల పాటు కర్నూలు జిల్లా జైలులో ఉన్న ఎమ్మెల్యే విరుపాక్షికి ధైర్యం చెప్పారు.

రాజకీయంగా ఎన్ని ఆటుపోట్లు ఎదురైనా ధైర్యంగా ఉండాలని సూచించారు. ఎమ్మెల్యే కుటుంబ సభ్యులకు కూడా భరోసా కల్పిస్తూ, పార్టీ తరఫున పూర్తి సహకారం అందిస్తామని స్పష్టం చేశారు.

ఈ కార్యక్రమంలో ఎమ్మెల్యే బుసినే విరుపాక్షి సోదరుడు బుసినే శ్రీరాములు, యువ నాయకులు బుసినే లక్ష్మీనారాయణ, రాష్ట్ర యువజన విభాగం కార్యదర్శి బుసినే చంద్రశేఖర్, బుసినే మధుసూదన్, బుసినే మారుతి తదితరులు పాల్గొన్నారు. ప్రతికూల పదాలను తటస్థంగా మార్చండి