Markapuram: మున్సిపల్ చైర్మన్ అభ్యర్థిగా వైఎస్సార్‌సీపీ డాక్టర్ చెప్పల్లి కనకదుర్గ నామినేషన్!

Markapuram: మార్కాపురం మున్సిపల్ ఎన్నికల నేపథ్యంలో వైఎస్సార్ కాంగ్రెస్ పార్టీ చైర్మన్ అభ్యర్థి డాక్టర్ చెప్పల్లి కనకదుర్గ నేడు నామినేషన్ దాఖలు చేయనున్నారు. మాజీ ఎమ్మెల్యే అన్నా రాంబాబు ఆశీస్సులతో ఉదయం 11 గంటలకు మార్కాపురం మున్సిపల్ కార్యాలయంలో నామినేషన్ సమర్పించనున్నారు.

ఈ సందర్భంగా ఉదయం 10:30 గంటలకు మార్కాపురంలోని తన స్వగృహమైన శ్రావణి హాస్పిటల్ నుంచి భారీ ర్యాలీగా బయలుదేరి మున్సిపల్ కార్యాలయానికి చేరుకోనున్నారు. నామినేషన్ కార్యక్రమానికి పార్టీ నాయకులు, కార్యకర్తలు, అభిమానులు పెద్ద సంఖ్యలో హాజరుకావాలని డాక్టర్ కనకదుర్గ కోరారు.