Summer: ఎండ‌ల‌ను త‌రిమికొట్టాలంటే.. ఏసీ, కూల‌ర్లే కాదు తీసుకునే ఆహారం కూడా ముఖ్య‌మే

Summer: ఎండ‌లు దంచికొడుతున్నాయి. దీంతో చాలా మంది కూల‌ర్లు, ఏసీల‌ను ఉప‌యోగిస్తున్నారు. అయితే కేవ‌లం ఇవి మాత్ర‌మే కాకుండా. తీసుకునే ఆహారం కూడా ఎండ నుంచి మ‌న‌ల్ని ర‌క్షిస్తుంద‌ని మీకు తెలుసా.? సరైన ఆహారం తీసుకుంటే హీట్ స్ట్రోక్ ప్ర‌మాదాన్ని త‌గ్గించుకోవ‌చ్చు.

ఖీరా (దోసకాయ) – సహజమైన చల్లదనం

దోసకాయ వేసవిలో అందుబాటులో ఉండే సులభమైన ఆహారం. ఇందులో దాదాపు 90% నీరు ఉంటుంది. దీంతో ఇది శరీరాన్ని హైడ్రేట్‌గా ఉంచుతుంది. శరీరానికి చల్లదనం ఇస్తుంది. ఖీరా జీర్ణ‌క్రియ‌ను సుల‌భ‌త‌రం చేస్తుంది. సలాడ్‌గా లేదా నేరుగా తినడం మంచిది.

క‌చ్చా మామిడి – శరీరానికి రక్షణ కవచం

మామిడి కాయ‌ వేసవిలో చాలా ఉపయోగకరం. క‌చ్చా మామిడిని తీసుకోవ‌డం వ‌ల్ల శరీర ఉష్ణోగ్రతను నియంత్రిస్తుంది. ఎలక్ట్రోలైట్స్‌ను సమతుల్యం చేస్తుంది. ఎండ దెబ్బ త‌గిలే ప్రమాదాన్ని తగ్గిస్తుంది. శ‌రీరంలో శక్తిని పెంచుతుంది. ఉప్పు, జీలకర్రతో తీసుకుంటే మరింత ప్రయోజనం.

పుచ్చకాయ – వేసవి సూపర్ ఫుడ్

పుచ్చకాయలో నీటి శాతం చాలా ఎక్కువగా ఉంటుంది. వేస‌విలో దీనిని సూప‌ర్ ఫుడ్‌గా చెబుతుంటారు. వాట‌ర్ మిలాన్ శరీరాన్ని వెంటనే చల్లబరుస్తుంది. డీహైడ్రేషన్‌ను నివారించ‌డంలో ఉప‌యోగ‌ప‌డుతుంది. అలసటను తగ్గిస్తుంది. అలాగే ఎండ‌కాలంలో చ‌ర్మానికి ఎంతో మేలు చేస్తుంది.

మజ్జిగ – జీర్ణానికి, చల్లదనానికి ఉత్తమం

మజ్జిగ వేసవిలో అత్యంత ఉపయోగకరమైన పానీయంగా చెప్పొచ్చు. స‌మ్మ‌ర్‌లో మజ్జిగ తీసుకుంటే శ‌రీరం చ‌ల్ల‌బ‌డుతుంది. జీర్ణక్రియను మెరుగుపరుస్తుంది, కడుపును ఆరోగ్యంగా ఉంచుతుంది. డీహైడ్రేష‌న్‌ను త‌గ్గిస్తుంది.

ఉప్పు, కరివేపాకు, జీలకర్ర వేసుకుని తాగితే ఇంకా మంచిది.

కొబ్బ‌రి బోండం– సహజ ఎనర్జీ డ్రింక్

కొబ్బరి నీరు వేసవిలో శరీరానికి బలాన్నిచ్చే సహజ పానీయం. స‌మ్మ‌ర్‌లో క్రమంత‌ప్ప‌కుండా కొబ్బ‌రి నీరు తాగితే

శరీరాన్ని హైడ్రేట్‌గా ఉంచుతుంది, ఎలక్ట్రోలైట్స్‌ను బ్యాలెన్స్ చేస్తుంది. బలహీనతను తగ్గిస్తుంది, శరీరానికి తేలికైన శక్తిని ఇస్తుంది.

గ‌మ‌నిక‌: పైన తెలిపిన విష‌యాలు వైద్యుల సూచ‌న‌ల‌కు ప్రత్యామ్నాయం కాద‌ని గుర్తించాలి. ఆరోగ్యానికి సంబంధించినంత వ‌ర‌కు డాక్ట‌ర్ల స‌ల‌హాలు పాటించ‌డ‌మే ఉత్త‌మం.