Bipasha Basu: నెక్లెస్ తయారుచేస్తున్న కూతురు దేవి.. క్యూట్ వీడియో పంచుకున్న నటి బిపాషా బసు!
Bipasha Basu: బాలీవుడ్ నటి బిపాషా బసు తన కూతురు దేవి సృజనాత్మకంగా ఆడుకుంటున్న క్యూట్ వీడియోను సోషల్ మీడియాలో షేర్ చేశారు.
Bipasha Basu: బాలీవుడ్ నటి బిపాషా బసు (Bipasha Basu) తన ముద్దుల కూతురు దేవికి సంబంధించిన ఒక అద్భుతమైన, ఆత్మీయ క్షణాన్ని అభిమానులతో పంచుకున్నారు. చిన్నారి దేవి తన ఊహాశక్తితో రంగురంగుల పూసలతో నెక్లెస్ తయారుచేస్తూ ఆడుకుంటున్న దృశ్యాలను బిపాషా తన ఇన్స్టాగ్రామ్లో పోస్ట్ చేశారు.
వీడియోలో దేవి తాను తయారు చేసిన నెక్లెస్ను చాలా గర్వంగా ప్రదర్శించింది. ఈ క్రమంలో బిపాషా, "ఈరోజు ఏం చేస్తున్నావు?" అని అడగ్గా, దేవి తన ముద్దుల గొంతుతో "నెక్లెస్ తయారు చేస్తున్నాను.. ఇది చాలా అందంగా ఉంది" అని బదులిచ్చింది. అనంతరం బిపాషా కెమెరాను దేవి ముందున్న బొమ్మల వైపు తిప్పి, "ఈ బొమ్మలు కూడా కూర్చుని నీ పనిని చూస్తున్నాయి" అని సరదాగా అనడం వీడియోలో ఆకట్టుకుంది.
బిపాషా బసు - కరణ్ సింగ్ గ్రోవర్:
2014లో 'అలోన్' (Alone) సినిమా సెట్స్లో పరిచయమైన బిపాషా, కరణ్ సింగ్ గ్రోవర్లు 2016 ఏప్రిల్ 30న వివాహబంధంతో ఒకటయ్యారు. ఆ తర్వాత 2022లో వీరిద్దరికీ మొదటి సంతానంగా దేవి బసు సింగ్ గ్రోవర్ జన్మించింది.
సినీ ప్రస్థానం:
2001లో 'అజ్నబీ' సినిమాతో బాలీవుడ్ ఎంట్రీ ఇచ్చిన బిపాషా.. 'జిస్మ్', 'నో ఎంట్రీ', 'ధూమ్ 2', 'రేస్', 'కార్పొరేట్', 'ఫిర్ హేరా ఫేరీ', 'బచ్నా ఏ హసీనో' వంటి సూపర్ హిట్ సినిమాలతో స్టార్ డమ్ను సొంతం చేసుకున్నారు. 'రాజ్ 3D', 'క్రియేచర్ 3D' వంటి హారర్ చిత్రాలతోనూ మెప్పించారు. ఆ తర్వాత 2020లో వచ్చిన 'డేంజరస్' (Dangerous) వెబ్ సిరీస్ అనంతరం ఆమె తెరపై కనిపించలేదు.