Health: రోజులో ఎన్ని కిలోమీటర్లు నడవాలి? వయస్సుని బట్టి ఎంత నడవాలో తెలుసా?

Walking Benefits:ఈ రోజుల్లో ఆరోగ్యంగా ఉండటానికి నడవడం అత్యంత సులభమైన, ఉత్తమమైన మార్గం. నడవడం మిమ్మల్ని ఆరోగ్యంగా ఉంచడమే కాకుండా, అనేక వ్యాధులను కూడా నివారిస్తుంది. కానీ ప్రజలు తరచుగా, "ఒక రోజులో ఎంత నడిస్తే సరిపోతుంది?" అని ఆలోచిస్తుంటారు. ప్రతి ఒక్కరూ నిజంగా 10,000 అడుగులు నడవాలా? కానీ అది నిజం కాదు. ప్రతి వ్యక్తి వారి వయస్సును బట్టి నడవాలి. ప్రతిరోజూ ఎంత నడవాలో ఈ కథనంలో తెలుసుకుందాం.

1. పిల్లలు - కౌమారదశలో ఉన్నవారు (5 నుండి 18 సంవత్సరాలు)

ఈ వయస్సులో శరీరం అభివృద్ధి చెందుతూ ఉంటుంది. శక్తి స్థాయిలు ఎక్కువగా ఉంటాయి. పిల్లలకు కేవలం నడవడం మాత్రమే సరిపోదు. వారు చురుకుగా ఉండాలి. ఈ వయస్సు పిల్లలు రోజుకు సుమారు 12,000 నుండి 15,000 అడుగులు వేయగలరు. అంతేకాకుండా, వారి ఎముకలు, కండరాలను బలోపేతం చేయడానికి, సైక్లింగ్ లేదా పరుగు వంటి క్రీడలలో పాల్గొనేలా పిల్లలను ప్రోత్సహించాలి.

2. యువకులు (18 నుండి 40 సంవత్సరాలు):

జీవితంలో ఈ దశలో మనం అత్యంత తీరిక లేకుండా ఉంటాము. డెస్క్ జాబ్స్, సరైన జీవనశైలి లేకపోవడం వల్ల బరువు పెరగవచ్చు. అందువల్ల, ప్రతిరోజూ 10,000 నుండి 12,000 అడుగులు నడవడం ఉత్తమమైనదిగా వైద్యులు చెబుతుంటారు. ఈ వయస్సులో క్రమం తప్పకుండా నడవడం వల్ల జీవక్రియను బలంగా ఉంచడంలో సహాయపడుతుంది. మధుమేహం, అధిక రక్తపోటు ప్రమాదాన్ని తగ్గిస్తుంది.

3. మధ్య వయస్కులు (40 నుండి 60 సంవత్సరాలు):

40 ఏళ్ల వయస్సు తర్వాత, శరీరంలో హార్మోన్ల మార్పులు ప్రారంభమవుతాయి. కీళ్ల సమస్యలు కూడా మొదలవ్వవచ్చు. అందువల్ల, రోజూ క్రమం తప్పకుండా నడవడం చాలా అవసరం. ఈ వయస్సులో, రోజుకు 8,000 నుండి 10,000 అడుగులు నడవాలని నిపుణులు చెబుతున్నారు. ఒకేసారి అంత నడవలేకపోతే, దానిని రెండు భాగాలుగా విభజించి ఉదయం, సాయంత్రం నడవండి. ఈ వయస్సు వారికి బ్రిక్ వాకింగ్ (చిన్న నడక) ఉత్తమమైనది.

4. సీనియర్లు (60 ఏళ్లు పైబడినవారు):

వృద్ధాప్యంలో నడవడం ముఖ్య ఉద్దేశం చురుకుగా ఉండటం, కండరాల బిగువును నివారించడం. ఈ వయస్సులో, ప్రతిరోజూ 5,000 నుండి 7,000 అడుగులు నడవాలని లక్ష్యంగా పెట్టుకోవాలి. మోకాళ్ల నొప్పి లేదా సమతుల్యత సమస్యలు ఉంటే, మీ వైద్యుడిని సంప్రదించిన తర్వాత మాత్రమే నడవండి.