Health Tips: వర్షాకాలంలో ఇమ్యూనిటీని ఇలా పెంచుకోండి.. ఇక ఆస్పత్రి ఖర్చులు మిగిలినట్టే..

Health Tips: వర్షాకాలం వచ్చిందంటే చాలు.. వాతావరణం చల్లబడటంతో పాటు జలుబు, జ్వరాలు, ఇన్ఫెక్షన్ల లాంటి అనేక ఆరోగ్య సమస్యలు మన దరిచేరుతాయి. ఈ సీజన్‌లో వ్యాధుల బారిన పడకుండా ఆరోగ్యంగా ఉండాలంటే మన శరీరంలో తగిన రోగనిరోధక శక్తి ఉండటం ఎంతో అవసరం. వర్షాకాలంలో ఇమ్యూనిటీని పెంచుకునేందుకు ఎలాంటి డైట్ ఫాలో అవ్వాలి, ఏ జాగ్రత్తలు పాటించాలి అనే అంశాలపై వైద్యులు ఏమన్నారంటే.?

రోగనిరోధక శక్తిని పెంచే ఆహారం:

విటమిన్-సి: రోగనిరోధక శక్తిని పెంచడంలో విటమిన్-సికి మించినది లేదు. కాబట్టి ఈ విటమిన్ ఎక్కువగా ఉండే పండ్లను క్రమం తప్పకుండా తీసుకోవాలి.

ఔషధ గుణాలున్న వస్తువులు: మీ రోజువారీ డైట్‌లో అల్లం, వెల్లుల్లి, పసుపు లాంటివి తప్పనిసరిగా భాగం చేసుకోవాలి. ఇవి సహజసిద్ధమైన యాంటీబయాటిక్స్‌గా పనిచేసి ఇన్ఫెక్షన్లను దూరం చేస్తాయి.

ఆకుకూరలకు బదులు కూరగాయలు: వర్షాకాలంలో ఆకుకూరలకు పురుగులు పట్టే అవకాశం చాలా ఎక్కువగా ఉంటుంది. కాబట్టి ఈ సీజన్‌లో వాటికి కాస్త దూరంగా ఉండి, బాగా ఉడికించిన కూరగాయలను మాత్రమే తినడం ఆరోగ్యానికి ఎంతో మంచిది.

ప్రోబయోటిక్స్: జీర్ణవ్యవస్థ ఆరోగ్యంగా ఉంటేనే ఇమ్యూనిటీ బలంగా ఉంటుంది. దీనికోసం యోగర్ట్, మజ్జిగ లాంటి ప్రోబయోటిక్ ఫుడ్స్ తీసుకోవాలి.

తప్పక పాటించాల్సిన ఇతర జాగ్రత్తలు:

కేవలం మంచి ఆహారం తీసుకోవడం మాత్రమే కాకుండా, ఈ సీజన్‌లో ఇన్ఫెక్షన్లకు దూరంగా ఉండాలంటే కొన్ని కనీస జాగ్రత్తలు పాటించాలి. ప్రతిరోజూ కనీసం 7 గంటల పాటు ప్రశాంతమైన నిద్ర అవసరం. వర్షాకాలంలో నీటి ద్వారా అనేక రోగాలు వ్యాపిస్తాయి కాబట్టి, ఎప్పుడూ కాచి చల్లార్చిన నీటినే తాగాలి. దోమలు, సూక్ష్మక్రిములు దరిచేరకుండా మన చుట్టూ ఉండే పరిసరాలను ఎప్పటికప్పుడు శుభ్రంగా ఉంచుకోవాలి.