ఒంట్లో వేడిని తగ్గించే సమ్మర్ డ్రింక్.. ఒక్కసారి తాగితే బాడీ అంతా కూల్.. కూల్.!

Sago Java: ఎండలు మండిపోతున్న వేళ ఒంట్లో వేడిని తగ్గించి హాయినిచ్చే డ్రింక్స్ కోసం వెతుకుతుంటాం. అలాంటి వాటిలో మన పూర్వీకులు, రైతులు, కూలీలు ఎంతో ఇష్టంగా తాగే 'సగ్గుబియ్యం జావ' ఒకటి. ఇది చూడటానికి సింపుల్‌గా ఉన్నా, ఎన్నో ఆరోగ్య రహస్యాలు దాగి ఉన్నాయి. పూర్వకాలంలో ఎండ తీవ్రత ఎక్కువగా ఉన్నప్పుడు, పని ఒత్తిడిలో అలసిపోయిన వారికి ఇది తక్షణ శక్తిని ఇచ్చేది.

ఈ సగ్గుబియ్యం జావ తయారు చేయడం కూడా చాలా సులభం. ముందుగా సగ్గుబియ్యాన్ని నీటిలో నానబెట్టి, ఆ తర్వాత మెత్తగా ఉడికించుకోవాలి. ఆ మిశ్రమం పూర్తిగా చల్లారిన తర్వాత అందులో పాలు, పంచదార లేదా బెల్లం కలుపుకుంటే చాలు, రుచికరమైన జావ సిద్ధమవుతుంది. కొందరు దీనికి అదనంగా సబ్జా గింజలు, డ్రై ఫ్రూట్స్ లేదా ఫ్రూట్ జ్యూస్‌లను కూడా కలుపుకుని తాగుతుంటారు.

ఇది కేవలం వేడిని తగ్గించడమే కాకుండా, శరీరానికి అవసరమైన శక్తిని కూడా వెంటనే అందిస్తుంది. ఎండల వల్ల వచ్చే నీరసం, అలసట నుంచి తప్పించుకోవడానికి ఇది ఒక సహజమైన, ఆరోగ్యకరమైన పానీయం. చిన్న పిల్లల నుంచి పెద్దవారి వరకు ఎవరైనా సరే దీన్ని ఎంచక్కా తాగవచ్చు. వేసవిలో బయట దొరికే కృత్రిమ కూల్ డ్రింక్స్‌కు దూరంగా ఉండి, ఇలాంటి పాత కాలం నాటి పానీయాలను తాగడం వల్ల శరీరం చల్లబడటమే కాకుండా ఆరోగ్యం కూడా మెరుగుపడుతుంది.